Mahčyma, pad inšaj nazvaj i bieź Vierabiejčykava.
U piatnicu, 10 krasavika, na aficyjnaj staroncy hurtu Litvintroll «UKantakcie» źjaviłasia paviedamleńnie pra raspad hurtu. Prynamsi čatyry ź piaci ŭdzielnikaŭ z paviedamleńniem niazhodnyja.
«Hetaja infarmacyja jość rašeńniem adnoha čałavieka, u rukach jakoha akazałasia zašmat mahčymaściej, uklučna z parolami ad sacsietak i pošty ansamblu», — kaža ŭ ruskamoŭnym zvarocie na Youtube lidar hurtu Andrej Apanovič.
Pobač z Ananovičam jašče try ŭdzielniki Litvintroll — usie akramia Vasila Vierabiejčykava, jaki raniej paćvierdziŭ raspad hurtu partału Tuzin.fm.
«My ŭsio tak ža chodzim na repietycyi i pracujem nad novym materyjałam, — śćviardžaje Apanovič. — My budziem praciahvać spravu, jakuju raspačali ŭ 2005 hodzie».
Jak paviedamlaŭ Vierabiejčykaŭ, Litvintroll razyšoŭsia praz sprečki adnosna budučyni hurtu. Jon śćviardžaje, što prapanoŭvaŭ padpisać kantrakt, inšyja ŭdzielniki prapanavali jamu syści.
Vierabiejčykaŭ kaža, što hurt zarehistravany na jaho. Kali heta tak, kamandzie daviadziecca źmianić nazvu. Ale Vierabiejčykaŭ vykazvaŭ spadzieŭ na toje, što hurt damovicca.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary