Litoŭskija pamiežniki taksama nie puścili ŭ krainu rasijskich bajkieraŭ
U Litvu z terytoryi Biełarusi ŭ paniadziełak sprabavali patrapić try matacyklisty.
Supracoŭniki Dziaržaŭnaj słužby achovy miažy (DSAM) nie puścili ich u Litvu, bo matacyklisty nie pradstavili dakumientaŭ ab techničnym ahladzie transpartnych srodkaŭ i nie mahli dakazać, što ich matacykły spraŭnyja.
Kiraŭnik pres-słužby DSAM Hiedrus Mišucis skazaŭ BNS, što ŭ Litvu matacyklisty sprabavali prajechać ź Biełarusi praz KPP «Rajhardas», jaki znachodzicca ŭ samakiravańni Druskininkaj. Pa słovach H.Mišucisa, u matacyklistaŭ byli šenhienskija vizy.
Bajkiery skazali pamiežnikam, što nie naležać da «Načnych vaŭkoŭ». Jany śćviardžali, što źjaŭlajucca kalininhradcami i jechali dadomu sa śviata bajkieraŭ, što prachodziła ŭ Biełarusi.
Kiraŭnik DSAM Renatas Pažeła zapeŭniŭ, što litoŭskija pamiežniki znachodziacca ŭ pastajannym kantakcie z kalehami ŭ Polščy i sočać za infarmacyjaj, źviazanaj z rucham «Načnyja vaŭki».
Kamientary