«Darmajed u dekrecie» ŭstupić u bitvu z Łukašenkam za prezidencki fatel — hutarka ź Juryjem Šulhanom
U jaho niama pašparta i pastajannaha dachodu. 38-hadovy Juryj Šulhan nazyvaje siabie «darmajedam u dekrecie». Zaručyŭšysia padtrymkaj Biełaruskaj partyi «Zialonyja», jon źbirajecca ŭstupić u bitvu z Alaksandram Łukašenkam za prezidencki fatel.
Naviny.by sustrelisia z patencyjnym kandydatam u prezidenty i pahavaryli ź im ab vybarčaj kampanii
«Alaksandr Ryhoravič skazaŭ, što kali znojdziecca dastojny čałaviek, to jon sastupić jamu miesca. Voś ja bolš dastojny. Alaksandr Ryhoravič, sastupajcie, kali łaska, miesca!» — pačaŭ svoj apovied Juryj Šulhan.
Jon naradziŭsia ŭ vioscy Moškavičy Biarozaŭskaha rajona. U jaho «šmatkroć» niaskončanaja vyšejšaja adukacyja. Juryj Šulhan nie staŭ udavacca ŭ padrabiaznaści, čamu tak atrymałasia.
«Mnie maje vykładčyki kazali: «Navošta vy siudy pryjšli? Vy viedajecie bolš, čym my! Vybačajcie, da pabačeńnia!» Ja ŭsio žyćcio vučyŭsia. Zaraz źbirajusia pavučyć inšych», — kaža patencyjny kandydat.
Z 2000 hoda jon žyvie ŭ Minsku «ŭ svaich siabroŭ». Pastajannaha dachodu ŭ jaho niama.
«Rabota — ad słova «rab». Ja nie rabotaju, ja pracuju. Niadaŭna ja źjeździŭ da siabie na radzimu i pasadziŭ bulbu. Časam ja siaku drovy, rablu płaty. Ja akazvaju ludziam realnuju dapamohu. Za heta mnie dajuć niejkuju kapiejku. Niaŭžo vy dumajecie, što ŭ nas biessardečnyja ludzi», — raspaviadaje Juryj Šulhan.
Jon nalivaje sabie jašče adzin šklanku harełki, vypivaje, zakusvaje i załazić na dreva, što staić pobač
«Trud zrabiŭ z małpy čałavieka. Ja pamiataju svaje karani. Ja nie žyvu za košt inšych. Ja žyvu za košt siabie», — kaža Juryj Šulhan i prosić nazyvać jaho «darmajedam u dekrecie».
Zaraz patencyjny kandydat u prezidenty farmuje svoj štab i raspracoŭvaje pieradvybarčuju prahramu. Jon maje namier naviedać biełaruskija rehijony, kab pahutaryć z vybarščykami.
«Moj elektarat — heta narod Respubliki Biełaruś. Ja nie budu kryčać, što ja ŭsich vyratuju. Nijakaha papulizmu nie budzie! Z kožnym čałaviekam ja budu abmiarkoŭvać jaho indyvidualnyja prablemy. Ja idu na hetyja vybary, kab dapamahčy kankretnamu čałavieku. Indyvidualny padychod — hałoŭny momant našaj kampanii», — raspaviadaje Juryj Šulhan.
Kandydata-samavyłučencaŭ hatovaja padtrymać Biełaruskaja partyja «Zialonyja». Juryj Šulhan nie vyklučaje supracoŭnictva ź inšymi ŭdzielnikami prezidenckaj honki. U pryvatnaści, pra svaje namiery paŭdzielničać u ciapierašnich vybarach zajaviła aktyvistka kampanii «Havary praŭdu» Taćciana Karatkievič i lidar Abjadnanaj hramadzianskaj partyi Anatol Labiedźka.
«I z Tolečkam, i z Taniečkaj my pahavorym», — abiacaje Juryj Šulhan.
Jon nie baicca svaich budučych kankurentaŭ na vybarach, a «lubić» ich. Bolš za ŭsich — dziejučaha prezidenta.
«Ja pačaŭ dumać pra Biełaruś mienavita dziakujučy jamu. Kali b nie jon, to ja b nikoli na heta nie advažyŭsia. My budziem praciahvać jaho spravu. Ja asabista hatovy pakłaści svajo žyćcio dziela Biełarusi. Biaspłatna! Mnie nie patrebna zarpłata. Ja jaje nikoli nie atrymlivaŭ», — raspaviadaje «darmajed u dekrecie»
Chočaš, kab pryjšła viasna, hałasuj za Šulhana!» — zaklikaje patencyjny kandydat. Jon spadziajecca, što jaho padtrymajuć «razvažlivyja ludzi».
Kali jon pieramoža na vybarach, to ŭ pieršuju čarhu abiacaje dobra adznačyć hetuju spravu.
«Ja nie budu zvać ludziej na Płošču, ja budu zvać usich u bufiet!» — padkreślivaje Juryj Šulhan.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary