Tydzień budzie ŭmierana ciopłym, a ŭ sieradu i čaćvier — mocnyja daždžy
Photo by Zaneta Sulgaitė, WLL
Pra heta raspavioŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
U aŭtorak, 5 maja, umovy nadvorja na terytoryi Biełarusi budzie vyznačać pakul jašče małaaktyŭny atmaśfierny front. U asobnych rajonach čakajucca nievialikija daždžy, dniom mahčymy navalnicy. Nočču i ranicaj miescami pa zachadzie tuman. Viecier paŭdniova-ŭschodni 4—9 m/s. Tempieratura pavietra minimalnaja nočču +4 … + 10°S, maksimalnaja dniom +15 … + 21°S, pa paŭdniovym zachadzie 22 … + 25°S.
U sieradu z Zachodniaj Jeŭropy pačnie pieramiaščacca aktyŭny atmaśfierny front, jaki pryniasie nočču miescami pa Bresckaj i Hrodzienskaj abłaściach, dniom pa zachodniaj pałovie karotkačasovyja daždžy,
miescami mocnyja daždžy, navalnicy. U dzionny čas u asobnych rajonach uzmacnieńnie vietru paryvami da 15-20 m/s.
Tempieratura pavietra minimalnaja nočču +4 … + 10°S, pa paŭdniovym zachadzie da +14°S; maksimalnaja dniom +17 … + 23°S, pa poŭdni da +26°S.
U čaćvier, 7 maja, upłyŭ frontu raspaŭsiudzicca ŭžo na bolšuju častku krainy.
Čakajucca daždžy, miescami mocnyja. Taksama mahčymy navalnicy i ŭzmacnieńnie vietru paryvami da 15-20 m / s.
Tempieratura pavietra minimalnaja nočču 6 … + 12°S, maksimalnaja dniom +11 … + 18°S, pa poŭdni da +20°S.
U piatnicu na bolšaj častcy terytoryi krainy karotkačasovyja daždžy. Miescami navalnicy. Tempieratura pavietra minimalnaja nočču +4 … + 11°S, maksimalnaja dniom +10 … + 17°S.
U vychadnyja z rostam atmaśfiernaha cisku nadvorje palepšycca, daždžy na bolšaj častcy spyniacca. Ale budzie davoli śvieža, asabliva ŭ načnyja i ranišnija hadziny.
Tempieratura pavietra minimalnaja nočču +2 … + 9°S, na tarfianikach Paleśsia mahčymy słabyja zamarazki da -2 … 0°S; maksimalnaja dniom - 12 … + 19°S.
Kamientary