7 i 8 maja nataryusy biaspłatna prakansultujuć hramadzian pa pytańniach, źviazanych z ažyćciaŭleńniem nataryjalnych dziejańniaŭ, paviedamili ŭ Biełaruskaj nataryjalnaj pałacie.
Udzieł u akcyi «Dni biaspłatnaha kansultavańnia, pryśviečanyja 70-hodździu Pieramohi savieckaha naroda ŭ Vialikaj Ajčynnaj vajnie» voźmuć usie nataryjalnyja kantory i nataryjalnyja biuro Biełarusi.
Na praciahu dvuch pracoŭnych dzion kožny achvotny moža źviarnucca pa kansultacyju da nataryusa pa pytańniach, jakija ŭvachodziać u jaho kampietencyju, u tym liku afarmleńnia spadčynnych pravoŭ, składańnia zaviaščańnia, šlubnaha dahavora, adčužeńnia nieruchomaści i ažyćciaŭleńnia vykanaŭčych nadpisaŭ.
«Praviadzieńnie takich akcyj i mierapryjemstvaŭ, prymierkavanych da dziaržaŭnych śviataŭ Biełarusi i inšych pamiatnym dat, jakija realizujucca ŭ metach pravavoj aśviety nasielnictva, zabieśpiačeńnia i achovy pravoŭ i zakonnych intaresaŭ hramadzian, dla nataryjalnaj supolnaści respubliki stała ŭžo tradycyjnym», — adznačyli ŭ pałacie.
Poŭny śpis nataryjalnych kantor i nataryjalnych biuro, infarmacyja pra čas ich pracy raźmieščanyja na sajcie Biełaruskaj nataryjalnaj pałaty.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska4
Kamientary