Art-prajekt «Noč muziejaŭ-2015» u Nacyjanalnym mastackim muziei Respubliki Biełaruś projdzie pad devizam «U kožnaha svaja cišynia». Pra heta paviedamili ŭ muziei.
«Cichaja noč» projdzie 16 maja z 19:00 da 24:00. Nacyjanalny mastacki muziej pieratvorycca ŭ chram bahini Hiesichii (bahini cišyni), dzie možna budzie zastacca sam-nasam sa svajoj unutranaj cišynioj i praz suzirańnie znajści ŭłasnuju harmoniju. Cišynia - nadziejny spadarožnik luboj muziejnaj ekspazicyi. Bieź cišyni nielha zrazumieć pryhažość. Usio vialikaje ździajśniałasia ŭ cišyni. I samo heta vialikaje vyklikaje žadańnie nie parušać cišyniu, adznačyli ŭ muziei.
Nacyjanalny mastacki muziej pradaŭžaje tradycyju aktyŭnaha ŭdziełu ŭ mižnarodnaj akcyi «Noč muziejaŭ». Ale ŭ hetym hodzie, uličvajučy vialikuju kolkaść naviedvalnikaŭ, farmat mierapryjemstva krychu źmienieny.
Bilety, kolkaść jakich abmiežavana da 4 tys., možna nabyć tolki zahadzia. 16 maja bilety pradavacca ŭžo nie buduć. Pry papiarednim prodažy biletaŭ naviedvalnikam budzie rekamiendavana pryjści na «Noč muziejaŭ-2015. «Cichaja» noč» da peŭnaha času: 19:00, 20:00, 21:00, 22:00. Heta zroblena dla zručnaści naviedvalnikaŭ, kab paźbiehnuć vialikich čerhaŭ i masavaha skopišča ludziej u załach muziejaŭ. Papiaredni prodaž biletaŭ ažyćciaŭlajecca z 1 maja.
Kamierny farmat akcyi «Noč muziejaŭ-2015. «Cichaja» noč» zusim nie značyć, što interaktyŭnyja placoŭki ŭstupiać miesca tradycyjnamu ahladu ekspazicyi. Źmiest zastaniecca pa-raniejšamu niečakanym, zachaplajučym, kreatyŭnym.
Akcyja prachodzić pry padtrymcy hienieralnaha partniora muzieja zamiežnaha ŭnitarnaha pradpryjemstva «Brytyš-Amierykan Tabaka Trejdynh Kompani».
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary