U minułuju niadzielu, 3 maja, padčas matču čempijanatu krainy pa futbole ŭ pieršaj lizie pamiž FK «Baranavičy» z FK «Dniapro» Mahiloŭ u Baranavičach adbyłasia sutyčka pamiž AMAPam i fanatami.
Milicyjanty chutka «pakłali» zaŭziataraŭ, a potym niekatoryja ź ich dabivali padletkaŭ, što nie akazvali supracivu, na ziamli.
Adzin z paciarpiełych baranavickich fanataŭ raspavioŭ «Našaj Nivie» padrabiaznaści.
«My ładzili ahulny fanacki zbor kala kas u 14:00, nas było dzieści 40 čałaviek — bolšaść ź ich niepaŭnaletnija. Z nami byli dva milicyjanty, jakija nas nibyta achoŭvali. Praź niekatory čas pryjechaŭ mikraaŭtobus z mahiloŭskimi fanatami, jany vysadzilisia kala stadyjona i nakiravalisia da nas, hukajučy svaju kryčałku «Ma-hi-loŭ». Našyja «małyja» napałochalisia, što zaraz budzie bojka i «łamanulisia» da varotaŭ, jakija ci to byli adčynienyja, ci to nie vytrymali nacisku. I ŭžo za varotami nas atačyŭ AMAP i pačaŭ źbivać. Bili mocna — u hałavu, pa nahach. Potym pastavili kala sietki i pačali «šmanać». Paśla ŭsich zavieźli ŭ HAUS i prymusili padpisać papierku, što my nie majem pretenzij da dziejańniaŭ milicyi.
Padpisali ŭsie, akramia adnaho — jamu adbili klučycu i jon nie moh varušyć pravaj rukoj», — skazaŭ chłopiec i padkreśliŭ, što, imavierna, AMAPaŭcy pierabłytali ich z mahiloŭcami.
![](http://nnexpictures.fra1.digitaloceanspaces.com/img/w732d4webp1/photos/z_2015_05/8epefe2ytus-qx6mr.jpg.webp)
«Adnak mnie ŭsio roŭna nie zrazumieła, čamu nas bili nahami i dubinkami, kali nichto z našych nie akazvaŭ nijakaha supracivu, a bojki z mahiloŭcami taksama nie było. Dobraja prafiłaktyka ŭ ich», — iranična reziumavaŭ baranavicki fanat i adznačyŭ, što padčas pracy AMAPa adzin ź milicyjantaŭ kračyŭ kaleham «Što vy robicie?».
Milicyja pakul nie kamientuje zdareńnia.
![](http://nnexpictures.fra1.digitaloceanspaces.com/img/w732d4webp1/photos/z_2015_05/fanatybaranavichy78931-tml30.jpg.webp)
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary