U Pieciarburhu byłomu palicejskamu dali 14 hadoŭ pazbaŭleńnia voli z-za nadpisaŭ «Univiersitet za zabojcaŭ» i «RPC za zabojcaŭ»
Pieršy zachodni Akruhovy vajenny sud prysudziŭ byłoha palicejskaha Kanstancina Padašvieleva da 14 hadoŭ pazbaŭleńnia voli pa abvinavačvańni ŭ vandaliźmie, paškodžańni abjektaŭ kulturnaj spadčyny i ŭdziele ŭ terarystyčnaj arhanizacyi, paviedamlaje «Miedyazona».
Mužčynu zatrymali 14 lutaha 2024 hoda. Pieršapačatkova kryminalnuju spravu suprać jaho zaviali z-za nadpisu «Univiersitet za zabojcaŭ» na ścianie Politechničnaha ŭniviersiteta, i «RPC za zabojcaŭ» — na ścienach chrama Pakrova Praśviatoj Baharodzicy i chrama ikony Božaj Maci «zamiłavańnie».
U sakaviku 2025 hoda stała viadoma, što jamu dadali artykuł ab udziele ŭ dziejnaści terarystyčnaj arhanizacyi praz toje, što jon nanosiŭ nadpisy nibyta na zadańni lehijona «Svaboda Rasii».
Padašvieleŭ nie pryznaŭ vinu. Pavodle jaho, u noč źjaŭleńnia nadpisaŭ jon byŭ doma, bo niezadoŭha da hetaha jaho vypisali ź lakarni paśla apieracyi. Abarona padčas sprečak pakazvała, što śledstva tak i nie znajšło suviazi pamiž lehijonam «Svaboda Rasiei» i kantaktami ŭ pryładach mužčyny.
Padašvieleŭ padčas sudovaha pracesu raspavioŭ pra źbićcio pry zatrymańni i pahrozy na dopytach.
Kamientary