Usiaho adno hałasavańnie ŭ Siejmie adździalaje žycharoŭ Litvy ad davoli śmiełaha rašeńnia: ź listapada prapanujecca zabaranić užyvańnie ałkaholu maładym ludziam da 20 hadoŭ.
Siejm u aŭtorak paśla razhladu ŭchvaliŭ adpaviednyja papraŭki da Zakona ab kantroli nad ałkaholem. «Za» prahałasavali 42 deputataŭ, 12 byli «suprać», 18 ustrymalisia.
Kali parłamient prymie papraŭki, to asobam, jakija nie dasiahnuli 20 hadoŭ, budzie zabaroniena i ŭžyvać, i mieć pry sabie luby ałkaholny napoj, a pradaŭcam — zabaroniena ich pradavać.
«Ja nie baču prablemy, kab i viasielle było biez ałkaholu», — zajaviŭ u aŭtorak člen partyi «Paradak i spraviadlivaść» Piatras Hražulis.
Andrus Mazuronis, siabra Ruchu libierałaŭ, jaki hałasavaŭ suprać novaŭviadzieńnia, aburany padobnymi płanami.
«Teatr absurdu ŭ parłamiencie. Čałaviek u adpaviednaści z Hramadzianskim kodeksam z 18 hadoŭ nabyvaje pravy i abaviazacielstvy ŭsich paŭnapraŭnych hramadzian — hałasavać na vybarach, mieć dziaciej, žanicca, brać kredyty na žyllo, pracavać, płacić padatki, słužyć u vojsku i ryzykavać svaim žyćciom. I nie moža razam ź siabroŭkaj vypić vina ŭ kaviarni. Treba nie stvarać novyja abmiežavańni, a harantavać, kab isnujučyja zabarony efiektyŭna pracavali. Ciapierašniaja zabarona na ŭžyvańnie ałkaholu da 18 hadoŭ nie pracuje. Kali b jana pracavała, nie pryjšłosia stvarać novyja niedarečnaści », - vykazaŭsia člen parłamienta.
Kamientary