Siarhiej Kalakin: «U kastryčniku my možam pračnucca ŭ inšaj dziaržavie».
7 lutaha Ministerstva justycyi adklikała ź Viarchoŭnaha sudu pazoŭ ab likvidacyi Partyi kamunistaŭ Biełaruskaj (PKB).
7 lutaha Ministerstva justycyi adklikała ź Viarchoŭnaha sudu pazoŭ ab likvidacyi Partyi kamunistaŭ Biełaruskaj (PKB).
Pazoŭ ab likvidacyi PKB pastupiŭ u Viarchoŭny sud 29 śniežnia. U pazovie adznačałasia, što navat paśla piśmovych papiaredžańniaŭ, kamunisty praciahvali parušać zakanadaŭstva. Heta značyć. Praciahvali svaju dziejnaść paśla taho, jak 2 žniŭnia Viarchoŭny sud prypyniŭ dziejnaść PKB terminam na 6 miesiacaŭ. U pryvatnaści, u pravinu staviŭsia ŭdzieł u palityčnaj kampanii “Eŭrapiejski marš”, a taksama ŭdzieł lidera PKB Siarhieja Kalakina ŭ źjeździe Partyi eŭrapiejskich levych u Prazie.
Kamunisty, u svaju čarhu, paličyli, što jany vypravili ŭsie parušeńni, takuju infarmacyju jany i pradstavili Minjustu. U adkazie Ministerstva adznačajecca:
«U PKB značna palepšyłasia arhanizacyjnaja praca, u tym liku rehistracyja i pastanoŭka na ŭlik arhanizacyjnych struktur partyi. Naviedzieny paradak va ŭliku siabroŭ partyi i viadzieńniu spravavodztva. Pryviedzienyja ŭ adpaviednaść z zakanadaŭstvam adrasy arhstruktur. Što da niekatorych parušeńniaŭ u dziejnaści, to, jak rastłumačyli kiraŭniki partyi, jany ščyra pamylalisia i ličyli mahčymym ich ździajśniać biez namieru ihnaravać rašeńnie sudu».
Lider PKB Siarhiej Kalakin skazaŭ nastupnaje adnosna rašeńnia Minjustu:
«Heta dobraja padzieja. My zaŭsiody havaryli pra toje, što nijakich padstavaŭ dla likvidacyi partyi niama. Stanoŭča adklikańnie pazovu ab likvidacyi PKB možna razhladać i ŭ ahulnym kantekście padziejaŭ, jakija adbyvajucca ŭ krainie. Na siońniašni dzień vyzvalenyja čatyry ź siami palitviaźniaŭ. Ja miarkuju, što ciapier źjavilisia novyja mahčymaści dla raźvićcia niezaležnaha hramadztva. Kali takija pracesy buduć praciahvacca, a vosieńniu projduć demakratyčnyja vybary, to ŭžo ŭ kastryčniku my majem šaniec pračnucca ŭ inšaj dziaržavie. Razam z tym jość mahčymaść, a jość realnaść, i jašče nia viadoma, jakim šlacham raźvićcia pojdzie ŭłada».
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ10
Kamientary