Japonija zapatrabavała źmianić novuju kartu śvietu, za jakuju prahałasavała AAN
Japonija zapatrabavała źmianić novuju kartu śvietu ŭ prajekcyi Equal Earth, za vykarystańnie jakoj prahałasavała Hienieralnaja asambleja AAN. Tokia nie zadavoliła toje, što sprečnyja Kurylskija astravy na karcie paznačanyja tym ža koleram, što i Rasija, piša The Guardian.
4 vieraśnia Hienieralnaja asambleja AAN pryniała rezalucyju z zaklikam vykarystoŭvać zamiest tradycyjnaj karty śvietu ŭ prajekcyi Mierkatara raŭnavialikuju prajekcyju Equal Earth. Jana nie zachoŭvaje dakładna ni vuhły, ni formy, zatoje značna lepš pieradaje suadnosiny płoščaŭ krain i kantynientaŭ.
Prychilniki rezalucyi ličać, što karta Mierkatara na praciahu dziesiacihodździaŭ vizualna prymianšała značeńnie Afryki i inšych rehijonaŭ Hłabalnaha Poŭdnia i ŭpłyvała na ich usprymańnie ŭ adukacyi, kultury i palitycy. Pry hetym Rasija i Hrenłandyja na takoj karcie vyhladajuć značna bolšymi za svoj realny pamier praz svajo raźmiaščeńnie ŭ vysokich šyrotach.
Rezalucyju padtrymali 164 krainy, jašče šeść ustrymalisia. Suprać prahałasavali tolki ZŠA. Japonija pieršapačatkova taksama padtrymała rezalucyju, adnak 10 vieraśnia pradstaŭnik japonskaha ŭrada Minoru Kichara zajaviŭ, što novaja karta «źmiaščaje vyjavu, jakaja supiarečyć pazicyi ŭrada Japonii».
Pavodle jaho słoŭ, Japonija pa dypłamatyčnych kanałach vykazała pratest apierataru sajta, dzie raźmieščanaja karta, i zapatrabavała vypravić jaje.
Paŭdniovaja častka Kurylskich astravoŭ pierajšła pad kantrol SSSR u vyniku Druhoj suśvietnaj vajny ŭ 1945 hodzie. Japonija ličyć svaimi astravy Iturup, Kunašyr, Šykatan i hrupu astravoŭ Chabamai, nazyvajučy ich Paŭnočnymi terytoryjami.
Z-za hetaj terytaryjalnaj sprečki Maskva i Tokia dahetul nie padpisali mirny dahavor pa vynikach Druhoj suśvietnaj vajny. U žniŭni 2026 hoda Uładzimir Pucin upieršyniu naviedaŭ sprečnyja astravy, paśla čaho Japonija vyklikała rasijskaha pasła i vykazała «rašučy pratest».
Pucin upieršyniu pryjechaŭ na Kuryły. Japonija vykazała rašučy pratest
Rasija praviała rakietnyja vyprabavańni pablizu astravoŭ, na jakija pretenduje Japonija
Japonija zapatrabavała demantavać u Chabaraŭsku pomnik savieckamu sałdatu, jaki pastavili dva dni tamu
AAN prahałasavała za admovu ad tradycyjnaj karty śvietu
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary
V 1951 h. v San‑Francisskom mirnom dohovorie Japonija otkazałaś ot prav na Kurilskije ostrova