Kazachstan znoŭ pravioŭ Parad Pieramohi na dva dni raniej FOTA
Parad prachodzić u kazachski Dzień abaroncy ajčyny. 9 maja Nazarbajeŭ budzie na paradzie ŭ Maskvie.

U Astanie, Kazachstan, 7 maja prajšoŭ tradycyjny Parad Pieramohi. U im uziali ŭdzieł pad 5 tysiač vajskoŭcaŭ, 227 adzinak naziemnaj i 70 — pavietranaj techniki. Parad prymaŭ niaźmienny prezident Kazachstana Nursułtan Nazarbajeŭ.
Parad na 70-hodździe Pieramohi staŭ najbolš maštabnym u historyi Kazachstana. Kolkaść techniki paraŭnalnaja z paradam 9 maja ŭ Maskvie, kudy Nazarbajeŭ taksama zavitaje.
Z 2012 hoda 7 maja abvieščanaje ŭ Kazachstanie dziaržaŭnym śviatam — Dniom abaroncy Ajčyny. Mienavita ŭ hety dzień u 1992 hodzie Nazarbajeŭ padpisaŭ zahad ab stvareńni nacyjanalnych uzbrojenych sił. Kazachi adznačajuć, što 7 maja taksama śviatkuje dzień naradžeńnia starejšaja dačka Nazarbajeva Daryha.








Kamientary