Aŭtar prakramloŭskaha sajta pra Łukašenku: «Siońnia jon ruski, zaŭtra — palak, paślazaŭtra — biełarus, a jašče praź dzień — niehr»
Čarnasocienski rasiejski sajt Regnum.ru adreahavaŭ na zvarot kiraŭnika Biełarusi Alaksandra Łukašenki da narodu i parłamienta. Aŭtaram materyjału staŭ Alaksandr Aviarjanaŭ-Minski, toj samy, jaki piša pra Biełaruś na inšym šavinistyčnym sajcie «Sputnik i pohrom».
Avierjanaŭ adznačaje, što Łukašenka jak «rasijski zvyšnacyjanalist» zajaviŭ, što «biełarusy i rasiejcy – ruskija ludzi». «Što ž zdaryłasia z Łukašenkam? Niaŭžo jon pamianiaŭ svajo mierkavańnie adnosna biełaruskaj identyčnaści?» — cikavicca aŭtar.
«Vykažam mierkavańnie, što sprava tut nie ŭ źmienie ideałahičnaj paradyhmy, a ŭ tym, što aficyjnamu Minsku vielmi patrebnyja hrošy. Jak viadoma, samaścijny honar biełaruskaha isteblišmientu mienšaje pa miery taho, jak puścieje dziaržaŭnaja kazna», — piša Aviarjanaŭ-Minski.
«Tak što ŭsprymać usurjoz słovy Łukašenki ab Ruskim śviecie nie varta. Tym bolš što ŭ pasłańni narodu i parłamientu Alaksandr Ryhoravič, jak zaŭždy, zrabiŭ dźvie ŭzajemavyklučalnyja zajavy: «My — Ruski śviet» i «Ruski śviet — heta nie pra nas». Druhaja zajava, mabyć, značna bližejšaja da iściny: Ruski śviet - heta sapraŭdy nie pra Łukašenku. A voś što dakładna pra jaho, dyk heta słovy dyktatara polskaj dziaržavy Juzafa Piłsudskaha, skazanyja ab adnym z kumiraŭ biełaruskich nacyjanalistaŭ — Stanisłavu Bułak-Bałachoviču: «Heta čałaviek, jaki siońnia ruski, zaŭtra — palak, paślazaŭtra — biełarus, jašče praź dzień — niehr», — robić vysnovu vydańnie.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk4
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2020
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu20
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary