Аўтар пракрамлёўскага сайта пра Лукашэнку: «Сёння ён рускі, заўтра — паляк, паслязаўтра — беларус, а яшчэ праз дзень — негр»
Чарнасоценскі расейскі сайт Regnum.ru адрэагаваў на зварот кіраўніка Беларусі Аляксандра Лукашэнкі да народу і парламента. Аўтарам матэрыялу стаў Аляксандр Авяр’янаў-Мінскі, той самы, які піша пра Беларусь на іншым шавіністычным сайце «Спутнік і погром».
Авер’янаў адзначае, што Лукашэнка як «расійскі звышнацыяналіст» заявіў, што «беларусы і расейцы – рускія людзі». «Што ж здарылася з Лукашэнкам? Няўжо ён памяняў сваё меркаванне адносна беларускай ідэнтычнасці?» — цікавіцца аўтар.
«Выкажам меркаванне, што справа тут не ў змене ідэалагічнай парадыгмы, а ў тым, што афіцыйнаму Мінску вельмі патрэбныя грошы. Як вядома, самасційны гонар беларускага істэблішменту меншае па меры таго, як пусцее дзяржаўная казна», — піша Авяр’янаў-Мінскі.
«Так што ўспрымаць усур’ёз словы Лукашэнкі аб Рускім свеце не варта. Тым больш што ў пасланні народу і парламенту Аляксандр Рыгоравіч, як заўжды, зрабіў дзве ўзаемавыключальныя заявы: «Мы — Рускі свет» і «Рускі свет — гэта не пра нас». Другая заява, мабыць, значна бліжэйшая да ісціны: Рускі свет - гэта сапраўды не пра Лукашэнку. А вось што дакладна пра яго, дык гэта словы дыктатара польскай дзяржавы Юзафа Пілсудскага, сказаныя аб адным з куміраў беларускіх нацыяналістаў — Станіславу Булак-Балаховічу: «Гэта чалавек, які сёння рускі, заўтра — паляк, паслязаўтра — беларус, яшчэ праз дзень — негр», — робіць выснову выданне.
-
Дырэктарка дзіцячага цэнтру, дзе размаўляюць выключна на рускай, абвінавачвае чыноўнікаў і дзяржаўных журналістаў у хлусні
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
-
МЗС: Пацярпелых сярод беларусаў у Ізраілі і Іране няма
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска6
Каментары