Alaksandr Łukašenka 4 červienia padpisaŭ ukaz № 231 «Ab ažyćciaŭleńni dziejnaści na pazabiržavym rynku Foreks».
«Dakumient pryniaty ŭ metach raźvićcia finansavaha rynku Biełarusi, pavyšeńnia pravavoj abaronienaści hramadzian — spažyŭcoŭ finansavych pasłuh i źnižeńnia ryzyki źjaŭleńnia na rynku kampanij-machlaroŭ i finansavych piramid», — paviedamlaje pres-słužba prezidenta.
Ukaz daje mahčymaść viadzieńnia ŭ Biełarusi novaha vidu finansavaj dziejnaści z atrymańniem adpaviednaha lehalnaha dachodu. Dakumientam urehulavanyja miechanizmy praviadzieńnia apieracyj na rynku Foreks i kantrolu nad jaho ŭdzielnikami.
Zhodna z ukazam Nacyjanalny bank budzie vieści rejestr foreks-kampanij. Pry hetym uklučeńnie Nacbankam jurydyčnych asob u rejestr źjaŭlajecca ich dopuskam na rynak Foreks.
Dakumientam ustanoŭlena, što pamier statutnaha fondu foreks-kampanij pavinien składać nie mienš jak 2 młrd. rubloŭ.
U metach zabieśpiačeńnia finansavaj ustojlivaści foreks-kampanij i biaśpieki apieracyj na rynku Foreks ukazam uvodziacca śpiecyjalnyja finansavyja narmatyvy. Aprača taho, praduhledžanyja harantyjny miechanizm, ustanoŭlenyja kvalifikacyjnyja patrabavańni i patrabavańni da dziełavoj reputacyi kiraŭnikoŭ foreks-kampanij.
Ukaz nabudzie moc praź dzieviać miesiacaŭ paśla jaho aficyjnaha apublikavańnia.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary