Staršynia Jeŭrapiejskaj Rady Donald Tusk zajaviŭ, što Hrecyja pavinna zastacca ŭ jeŭrazonie. Z takoj zajavaj jon vystupiŭ paśla pazačarhovaj sustrečy ŭdzielnikaŭ Jeŭrahrupy, jakaja prajšła ŭ subotu i na jakoj było pryniata rašeńnie nie praciahvać Hrecyi prahramu finansavaj dapamohi.
«Hrecyja źjaŭlajecca i pavinna zastavacca členam jeŭrazony», — cytuje Tuska Reuters. Jon dadaŭ, što kantaktuje ź liderami krain zony jeŭra, kab «zabiaśpiečyć cełasnaść jeŭrazony z 19 krain».
U subotu ŭ Bruseli adbyłasia pazačarhovaja sustreča, dzie baki ŭ čarhovy raz sprabavali dasiahnuć pahadnieńnia pamiž Hrecyjaj i jaje kredytorami. Paśla pravału pieramovaŭ hrecki ministr pakinuŭ sustreču, jaho 18 kalehaŭ praciahnuli zasiadać bieź jaho. U vyniku było pryniata rašeńnie nie praciahvać Hrecyi prahramu finansavaj dapamohi, jakaja zakančvajecca 30 červienia.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary