Zdareńnie adbyłosia ŭ subotu paśla 19:00 u Rahačoŭskim rajonie na voziery Śviatym.
U 19 hadzin 46 chvilin vyratavalnikam ad adpačyvalnikaŭ pastupiła paviedamleńnie, što na voziery Śviatym u Rahačoŭskim rajonie adbyłosia sutyknieńnie łodki i hidracykła, u vadzie apynulisia ludzi, jakim nieabchodna dapamoha.
Pa słovach vidavočcaŭ, pry ruchu dvuch płaŭsrodkaŭ adbyłosia sutyknieńnie, u vyniku čaho ludzi apynulisia ŭ vadzie i adzin ź ich — uładalnik łodki — nie vynyrnuŭ.
U momant sutyknieńnia na hidracykle znachodzilisia try čałavieki — žančyny i mužčyna atrymali rezanyja rany i ŭdary. U łodcy byŭ jašče adzin čałaviek, ad špitalizacyi mužčyna admoviŭsia. Śviedki zdareńnia sprabavali samastojna znajści patanułaha, adnak nie zmahli.
Płaŭsrodki atrymali miechaničnyja paškodžańni. Hidracykł naležyć indyvidualnamu pradprymalniku. Pošuki patanułaha praciahvajuć vadałazy Asvoda.
Kamientary