Pra heta piša rasijskaja hazieta «Kommiersant» sa spasyłkaj na krynicy.
Bolšaść čarnahorcaŭ hatovyja padtrymać ŭstupleńnie ŭ NATA, vynikaje z vynikaŭ ahučanych na minułym tydni sacapytańniaŭ. Ich praviali dva ŭpłyvovyja bałkanskija ahienctvy IPSOS — Strategic Marketing i Damar. Atrymanyja sacyjołahami vyniki padobnyja: za ŭstupleńnie ŭ NATA prahałasavali b, pavodle źviestak adnaho ahienctva, 47%, suprać — 43%, pa dadzienych inšaha — 44%, suprać — 40%. A na pytańnie, ci stanie Čarnahoryja členam aljansu, śćviardžalna adkazali 64% i 66% adpaviedna.
Na suśvietnym forumie pa biaśpiecy GLOBSEC ŭ Bracisłavie Čarnahoryi byŭ pasłany jasny sihnał: mienavita jana budzie nastupnym členam NATA, piša vydańnie.
Premjer Vialikabrytanii Devid Kemieran zajaviŭ: «Isnujuć važkija pryčyny, kab Čarnahoryja stała členam aljansu».
Pradstaŭnik Słavakii ŭ NATA Tomaš Vałašek vykazaŭsia jaśniej: «Zaprašeńnie Čarnahoryi nadydzie abaviazkova». A na dniach hienieralny sakratar aljansa Jens Stołtenbierh paćvierdziŭ: rašeńnie pa Čarnahoryi budzie pryniata ŭ śniežni.
Ustupleńnie ŭ NATA jak stratehičnaj mety čarnahorskija ŭłady abviaścili ŭ 2010 hodzie, paśla čaho chutka damahlisia Płana dziejańniaŭ pa siabroŭstvu ŭ aljansie, a potym i statusu kandydata.
Krynica «Kommiersanta» ŭ čarnahorskich ŭradavych kołach ličyć, što dałučeńnie respubliki da NATA nie pryviadzie da paharšeńnia jaho adnosin z Maskvoj.
«Pa-pieršaje, my nikoli nie chavali ad Rasiei našych płanaŭ, — rastłumačyŭ čynoŭnik. — Pa-druhoje, Maskva žorstka vystupaje suprać ŭstupleńnia ŭ NATA pierš za ŭsio susiednich ź joj krain. Pa-treciaje, Rasieja bačyć pahrozu ŭ nabližeńni da svaich miežaŭ vajennaj infrastruktury aljansa, ale Čarnahoryja nie płanuje raźmiaščać na svajoj terytoryi bazy. Narešcie, u NATA jość ceły šerah krain, jakija majuć vydatnyja adnosiny z Rasijaj, i Maskva pavinna pa idei być zacikaŭlena ŭ pavieličeńni ich kolkaści», — adznačyŭ jon.
Ciapier čytajuć
Čamu ŭ biełaruskaj turmie tak mocna chudziejuć? Tłumačym8
Kamientary