Siaredniaja zarpłata nižej za 5 młn rubloŭ u mai była zafiksavanaja ŭ 10.954 jurasob, ci ŭ 63,5% arhanizacyj, uličanych aficyjnaj statystykaj.
U tym liku siaredniaja zarpłata ŭ dyjapazonie ad 4 młn da 5 młn rubloŭ znachodziłasia ŭ 8.746 arhanizacyj, siaredniaja zarpłata ad 3 da 4 młn rubloŭ była zafiksavanaja ŭ 1.939 arhanizacyj. U toj ža čas u 269 jurydyčnych asob siaredniaja zarpłata składała mienš jak 3 młn rubloŭ.
Siaredniaja zarpłata vyšej za 5 młn rubloŭ u mai była zafiksavanaja ŭ 6.297 jurydyčnych asob, ci ŭ 36,5% arhanizacyj ad ich ahulnaha liku, uličanych aficyjnaj statystykaj.
U tym liku siaredniaja zarpłata ŭ 2.464 jurasob znachodziłasia ŭ dyjapazonie ad 5 młn da 6 młn rubloŭ, u 3.833 — bolš jak 6 młn rubloŭ.
Najbolšaja kolkaść arhanizacyj (1.510) z samaj vysokaj siaredniaj zarpłataj (bolš jak 6 młn. rubloŭ) znachodzicca ŭ Minsku.
U mai siaredniaja respublikanskaja zarabotnaja płata skłała ŭ Biełarusi 6,69 młn rubloŭ i pavialičyłasia ŭ paraŭnańni z krasavickim uzroŭniem na 151,5 tys. rubloŭ.
Razam z tym realnaja (z ulikam inflacyi) zarabotnaja płata z pačatku hoda ŭ Biełarusi źniziłasia na 7,7%, śviedčać danyja aficyjnaj statystyki. Značnaje źnižeńnie realnaj zarabotnaj płaty adbyłosia va ŭsich rehijonach krainy.
Tak, Minsku ŭ paraŭnańni sa śniežniem 2014-ha realnaja zarpłata źniziłasia na 8,9%, u Minskaj vobłaści — na 7,8%, u Mahiloŭskaj — na 6,3%. U Hrodzienskaj, Homielskaj, Viciebskaj i Bresckaj abłaściach realnaja zarpłata z pačatku hoda źniziłasia na 6,9%, 6,6%, 5,8% i 10,3% adpaviedna.
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»30
Kamientary