Niaklajeŭ zaklikaŭ usich patencyjnych kandydataŭ źniacca z vybaraŭ

Na jaho dumku, nivodnaja apazicyjnaja struktura nie zdoleje sabrać 100 tysiač podpisaŭ. Tamu nieabchoda vyłučyć adzinym palitviaźnia Mikałaja Statkieviča.

Pavialičyć

Były lidar kampanii «Havary praŭdu» Uładzimir Niaklajeŭ zaklikaŭ usich patencyjnych kandydataŭ źniacca z prezidenckich vybaraŭ na karyść palitviaźnia Mikałaja Statkieviča. U kamientaryi palityk i piśmieńnik paviedamiŭ, što jon «nie huru, kab usie słuchalisia», ale razam z tym ličyć «nieabchodnym admovicca ad udziełu ŭ hetaj vybarčaj kampanii».

«Nichto, nivodnaja siła ciapier nie ŭ stanie sabrać hetyja 100 tysiač podpisaŭ. Heta vam luby daśviedčany čałaviek z apazicyi skaža, luby», — havoryć Niaklajeŭ.

Publikujem jaho publičny zvarot pad nazvaj «Pakul nie pozna»:

«Centralny kamitet BSDP «Hramada», partyi, jakaja ŭvachodzić u kaalicyju «Narodny refierendum», nie pryniaŭ rašeńnia ab padtrymcy na prezidenckich vybarach patencyjnaha kandydata ŭ prezidenty ad hetaj kaalicyi.

Što z hetaha vynikaje?

Najpierš toje, što šancaŭ sabrać 100000 podpisaŭ, nieabchodnych dla rehistracyi kandydata ŭ prezidenty, nie zastałosia ni ŭ kaho z udzielnikaŭ vybarčaj kampanii, jakija pradstaŭlajuć biełaruskuju demakratyčnuju apazicyju. Ich i tak nie było, ale ciapier jano stała vidavočna dla kožnaha, chto maje choć niejkaje ŭjaŭleńnie pra stan apazicyjnaha asiarodku.

Što ŭ hetaj situacyi rabić?

Da pačatku rehistracyi inicyjatyŭnych hrup usim patencyjnym kandydatam źniacca z vybaraŭ, a ŭsim apazicyjnym strukturam padtrymać vyłučeńnie adzinym kandydatam ad demakratyčnaj apazicyi palitviaźnia Mikałaja Statkieviča. Heta adzinaje pravilnaje rašeńnie jak z hledzišča palityki, tak i z hledzišča marali. I ŭvohule — heta rašeńnie, vyratavalnaje dla apazicyi. Što budzie, kali apazicyja nie zrobić hetaha?

Kali ciapierašnija patencyjnyja kandydaty z vybaraŭ nie zdymucca, kali apazicyja nie vyłučyć adzinaha kandydata, jana niepaźbiežna stanie na šlach falsifikacyj, śviadoma pojdzie na padman vybarcaŭ. A značyć, stanie na šlach ułady. Apazicyja ŭžo mieła taki «dośvied» u 2010 hodzie, što pryviało jaje praktyčna da razhromu. Ciapier heta budzie kryž, jaki jana ŭłasnymi rukami pastavić na svajoj mahile.

Ja suprać hetaha. Moj sychod z apazicyi ni ŭ jakim razie nie aznačaje, što ja chaču, kab jaje nie stała. Ja nie chaču hetaha choć by tamu, što jano niespraviadliva ŭ adnosinach da aktyvistaŭ apazicyi, da ludziej, što nie majuć dačynieńnia ni da jakich zakulisnych hulniaŭ, ščyra addajuć siabie baraćbie za demakratyčnuju, volnuju budučyniu Biełarusi. Kiraŭniki apazicyjnych struktur prosta nie majuć prava ŭciahvać hetych ludziej u falsifikacyi, u padman. Tamu rašeńnie ab źmienie scenaru ŭdziełu apazicyi ŭ prezidenckich vybarach pavinna być pryniataje nieadkładna, adrazu paśla aficyjnaha abviaščeńnia daty ich praviadzieńnia. Usio astatniaje - pozna».

• 0
• 0
• 0
• 0
• 0
• 0
• 0
• 0