U červieni ŭpieršyniu ŭ hetym hodzie depazity nasielnictva z ulikam naličanych pracentaŭ skaracilisia, śviedčać statystyčnyja źviestki Nacyjanalnaha banka.Na 1 lipienia terminovyja rublovyja ŭkłady nasielnictva składali 34,29 trłn. rubloŭ, na 1 červienia — 35,04 trłn. Takim čynam, u červieni z ulikam kapitalizacyi pracentaŭ terminovyja rublovyja ŭkłady nasielnictva skaracilisia prykładna na 750 młrd. rubloŭ.
U studzieni—mai z ulikam naličanych pracentaŭ dynamika rublovych układaŭ u biełaruskich bankach była stanoŭčaj: rost na 28,6%, ci na 7,8 trłn. rubloŭ.
Pry hetym užo ŭ mai pryrost rublovych układaŭ nasielnictva z ulikam kapitalizacyi pracentaŭ byŭ minimalnym (na 0,6%, što nižej za štomiesiačnuju kapitalizacyju pracentaŭ).
Na dumku ekśpiertaŭ finansavaha rynku, adtok rublovych układaŭ abumoŭleny źnižeńniem dachodnaści pa depazitach nasielnictva. Pačynajučy z maja 2015 hoda Nacbank Biełarusi abmiažoŭvaje maksimalny ŭzrovień pracentnych stavak pa depazitach z metaj źnižeńnia koštu kredytnych resursaŭ.
Top-mieniedžary bankaŭ paviedamili na minułym tydni BiełaPAN, što zhodna z apošnimi rekamiendacyjami Nacbanka staŭka pa rublovych depazitach na termin šeść miesiacaŭ i bolš pavinna być nie vyšejšaj za 30% hadavych. Pa karotkaterminovych układach (na termin da šaści miesiacaŭ) maksimalnaja rekamiendavanaja staŭka ŭstanoŭlena Nacbankam na ŭzroŭni 26% hadavych.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary