Były hienieralny dyrektar chakiejnaha kłuba «Dynama-Minsk» padazrajecca ŭ złoŭžyvańni słužbovymi paŭnamoctvami, paviedamlaje pres-słužba Śledčaha kamiteta.
Śledčym kamitetam raspačata kryminalnaja sprava ŭ dačynieńni da byłoha hienieralnaha dyrektara chakiejnaha kłuba «Dynama-Minsk». Jon padazrajecca ŭ złoŭžyvańni słužbovymi paŭnamoctvami.
Kryminalnaja sprava zaviedziena pa vynikach apieratyŭna-vyšukovaj dziejnaści Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Respubliki Biełaruś.
Dziejańni byłoj słužbovaj asoby kvalifikavany pa č. 3 art. 424 (złoŭžyvańnie słužbovymi paŭnamoctvami, što paciahnuła ciažkija nastupstvy ŭ vyhladzie naniasieńnia ŭronu ŭ asabliva bujnym pamiery) Kryminalnaha kodeksa Respubliki Biełaruś [artykuł praduhledžvaje pakarańnie terminam ad 3 da 10 hadoŭ z kanfiskacyjaj majomaści abo biez kanfiskacyi i z pazbaŭleńniem prava zajmać peŭnyja pasady abo zajmacca peŭnaj dziejnaściu — NN].
Padazravany zatrymany, ź im pracujuć śledčyja.
Kryminalnaja sprava rasśledujecca Hałoŭnym śledčym upraŭleńniem.
U paviedamleńni SK imia byłoha hiendyrektara nie nazyvajecca, ale z krasavika 2013 h. pa lipień 2015 h. hienieralnym dyrektaram «Dynama» byŭ Maksim Subotkin.
Infarmacyja pra jaho adchileńnie i zatrymańnie źjaviłasia ŭ niadzielu, a ŭ paniadziełak na sajcie chakiejnaha kłuba paviedamlałasia, pra skasavańnie kantraktu z Maksimam Subotkinym. V.a. hienieralnaha dyrektara Uładzimir Bieražkoŭ.
Kamientary