U Biełarusi rezka ŭzrasła kolkaść ramieśnikaŭ. Heta vynikaje sa źviestak, apublikavanych pres-słužbaj Ministerstva ekanomiki.
Tak, za pieršaje paŭhodździe 2015 hoda ŭ krainie zarehistravałasia 7.010 novych ramieśnikaŭ, ź jakich 2.940 čałaviek — za druhi kvartał hetaha hoda. Dla paraŭnańnia, za ŭvieś 2014 hod było zarehistravana 8.776 ramieśnikaŭ.
Pavodle vynikaŭ šaści miesiacaŭ najbolšaja kolkaść fizičnych asob, jakija vypłacili zbor za ažyćciaŭleńnie ramiesnaj dziejnaści, naličvajecca ŭ Minsku (1.643 čałavieki) i Viciebskaj vobłaści (1.042 čałavieki), najmienšaja — u Mahiloŭskaj vobłaści (752 čałavieki).
«U Biełarusi stvorany spryjalnyja ŭmovy dla ažyćciaŭleńnia ramiesnaj dziejnaści, dziakujučy čamu kolkaść fizičnych asob, jakija vykazvajuć žadańnie zajmacca samastojnaj dziejnaściu pa vytvorčaści vyrabaŭ ramiesnaj tvorčaści, uvieś čas pavialičvajecca», — ličać u ministerstvie.
Razam z tym šerah ekśpiertaŭ źviazvajuć rost kolkaści ramieśnikaŭ i aficyjnych biespracoŭnych z pryniaćciem hetak zvanaha dekreta ab darmajedach.
Nahadajem, dekret prezidenta № 3 «Ab praduchileńni sacyjalnaha ŭtrymanstva» byŭ padpisany 2 krasavika. Im ustanoŭleny abaviazak hramadzian Biełarusi, zamiežnych hramadzian i asob biez hramadzianstva, jakija pastajanna pražyvajuć na terytoryi krainy i nie ŭdzielničali ŭ finansavańni dziaržaŭnych raschodaŭ ci ŭdzielničali ŭ takim finansavańni mienš jak 183 kalandarnyja dni ŭ minułym hodzie, pa vypłacie zboru ŭ 20 bazavych vieličyń (na siońnia — 3 młn 600 tys. rubloŭ).
Što zapisana aficyjnaj pryčynaj śmierci adzinaha syna Jarmošynaj?7
Kamientary