Načalnik upraŭleńnia infarmacyi hałoŭnaha ŭpraŭleńnia ideałahičnaj pracy Ministerstva abarony Biełarusi pałkoŭnik Uładzimir Makaraŭ nie daŭ BiełaPAN peŭnaha adkazu na pytańnie, ci znachodzicca dahetul na aeradromie 61-j źniščalnaj avijabazy ŭ Baranavičach dziažurnaje źviano rasijskich źniščalnikaŭ Su-27.
Siońnia ŭ sumiesnym intervju «Jeŭraradyjo», «Radyjo Svaboda» i partału tut.by prezident Biełarusi Alaksandr Łukašenka skazaŭ: «Ja nie viedaju, niasuć jany ciapier dziažurstva ci nie. Pa-mojmu, jany adbyli siońnia. Samalotaŭ rasijskich u nas tut niama».
«Rasijskich avijacyjnych čaściej na terytoryi Biełarusi niama, — zajaviŭ BiełaPAN Uładzimir Makaraŭ. — Pieryjadyčna ŭ adpaviednaści z pahadnieńniem ab stvareńni Adzinaj rehijanalnaj sistemy SPA vykonvajucca sumiesnyja mierapryjemstvy pa achovie pavietranaj prastory Sajuznaj dziaržavy».
Pry hetym krychu raniej u kamandavańni Vajenna-pavietranych sił i vojsk procipavietranaj abarony Uzbrojenych sił Biełarusi ahienctvu nieaficyjna zajavili, što dziažurnaje źviano rasijskich źniščalnikaŭ pa-raniejšamu znachodzicca na aeradromie ŭ Baranavičach.
Nahadajem, źviano z čatyroch rasijskich źniščalnikaŭ Su-27P 159-ha hvardziejskaha źniščalnaha avijacyjnaha pałka 105-j hvardziejskaj źmiešanaj avijacyjnaj dyvizii 1-ha kamandavańnia VPS i SPA Zachodniaj vajennaj akruhi RF pieralacieła na aeradrom u Baranavičach 8 śniežnia 2013 hoda. Razam ź lotnym składam bortam Ił-76 siudy prybyŭ i techničny piersanał. I lotčyki, i techniki byli raźmieščanyja ŭ Baranavičach. Praz dva dni rasijskija lotčyki zastupili na sumiesnaje ź biełarusami bajavoje dziažurstva pa achovie pavietranych miežaŭ Sajuznaj dziaržavy.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary