Начальнік упраўлення інфармацыі галоўнага ўпраўлення ідэалагічнай працы Міністэрства абароны Беларусі палкоўнік Уладзімір Макараў не даў БелаПАН пэўнага адказу на пытанне, ці знаходзіцца дагэтуль на аэрадроме 61-й знішчальнай авіябазы ў Баранавічах дзяжурнае звяно расійскіх знішчальнікаў Су-27.
Сёння ў сумесным інтэрв'ю «Еўрарадыё», «Радыё Свабода» і парталу tut.by прэзідэнт Беларусі Аляксандр Лукашэнка сказаў: «Я не ведаю, нясуць яны цяпер дзяжурства ці не. Па-мойму, яны адбылі сёння. Самалётаў расійскіх у нас тут няма».
«Расійскіх авіяцыйных часцей на тэрыторыі Беларусі няма, — заявіў БелаПАН Уладзімір Макараў. — Перыядычна ў адпаведнасці з пагадненнем аб стварэнні Адзінай рэгіянальнай сістэмы СПА выконваюцца сумесныя мерапрыемствы па ахове паветранай прасторы Саюзнай дзяржавы».
Пры гэтым крыху раней у камандаванні Ваенна-паветраных сіл і войск проціпаветранай абароны Узброеных сіл Беларусі агенцтву неафіцыйна заявілі, што дзяжурнае звяно расійскіх знішчальнікаў па-ранейшаму знаходзіцца на аэрадроме ў Баранавічах.
Нагадаем, звяно з чатырох расійскіх знішчальнікаў Су-27П 159-га гвардзейскага знішчальнага авіяцыйнага палка 105-й гвардзейскай змешанай авіяцыйнай дывізіі 1-га камандавання ВПС і СПА Заходняй ваеннай акругі РФ пераляцела на аэрадром у Баранавічах 8 снежня 2013 года. Разам з лётным складам бортам Іл-76 сюды прыбыў і тэхнічны персанал. І лётчыкі, і тэхнікі былі размешчаныя ў Баранавічах. Праз два дні расійскія лётчыкі заступілі на сумеснае з беларусамі баявое дзяжурства па ахове паветраных межаў Саюзнай дзяржавы.
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары