U histaryčnym i kulturnym centry stalicy ŭ žniŭni adbudziecca cykł kancertaŭ «Na bis». Ab hetym paviedamiła žurnalistam mastacki kiraŭnik dziaržustanovy «Minskkancert» Alena Radzivonava.
U prahramie hledačam buduć pradstaŭlenyja kalektyvy i vykanaŭcy, jakija prymali ŭdzieł u śviatočnych mierapryjemstvach letniaha muzyčna-turystyčnaha siezona biahučaha hoda. Padahulniajučyja kancerty pa tradycyi projduć z 20.00 da 22.00.
Tak, 8 žniŭnia ŭ vykanańni ansambla «Minsk-kłasik» i kvarteta draŭlanych duchavych instrumientaŭ «Ryŭjera» pad kiraŭnictvam Maksima Rasochi prahučać šedeŭry kłasičnaj muzyki — tvory Štrausa, Afienbacha, Vivaldzi, Bacha, Mocarta i inšych. U subotu 15 žniŭnia na kancertnaj placoŭcy kala ratušy vystupić Akademičny ansambl pieśni i tanca Uzbrojenych Sił Biełarusi. Užo 22 žniŭnia hledačoŭ čakaje tvorčaja sustreča ź Biełaruskim dziaržaŭnym zasłužanym chareahrafičnym ansamblem «Charoški». Cykł letnich muzyčnych viečaroŭ zavieršycca 29 žniŭnia kancertam papularnaj kłasičnaj i sučasnaj muzyki ŭ vykanańni kancertnaha arkiestra «Niamiha».
Kožnuju niadzielu žniŭnia z 15.00 da 16.00 svaju tvorčaść minčanam i haściam stalicy buduć daryć vajennyja duchavyja arkiestry. Tak, 9 žniŭnia kala ratušy vystupiać muzykanty duchavoha arkiestra 56-ha asobnaha pałka suviazi, 16 žniŭnia — Minskaha suvoraŭskaha vajennaha vučylišča, 23-ha — 120-j vajennaj bryhady, 30 žniŭnia — roty hanarovaj varty Vajennaj kamiendatury Uzbrojenych Sił Biełarusi.
Jak adznačyŭ namieśnik načalnika ŭpraŭleńnia — načalnik adździeła ŭstanoŭ kultury i kulturna-aśvietnickaj raboty Minharvykankama Siarhiej Miadźviedzieŭ, muzyčnyja viečary kala ratušy karystajucca papularnaściu ŭ žycharoŭ i haściej stalicy. Tak, kožny kancert źbiraje ad 3,5 tysiač hledačoŭ, a adzin z kancertaŭ cykła «Džazavyja viečary» naviedali amal 7 tysiač čałaviek.
Kožnuju subotu i niadzielu na terytoryi Vierchniaha horada prachodziać mierapryjemstvy letniaha muzyčna-turystyčnaha siezona. Svajo majsterstva tut demanstrujuć teatralnyja, chareahrafičnyja kalektyvy, artysty vuličnych teatraŭ, prachodziać majstar-kłasy i vystaŭki dekaratyŭna-prykładnoj tvorčaści i vyjaŭlenčaha mastactva, vystaŭki ramieśnikaŭ i mastakoŭ, pakazy z udziełam kłubaŭ histaryčnaj rekanstrukcyi, śvietłavyja pierformansy, tvorčyja viečary charavoj, džazavaj i kamiernaj instrumientalnaj muzyki.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary