Eŭrapiejski parlament bolšaściu hałasoŭ padtrymaŭ inicyjatyvu pa zmahańni ź internet‑cenzuraj. Pavodle jaje ŭ chutkim časie cenzura ŭ internecie zmoža aficyjna razhladacca Eŭropaj jak ekanamičny barjer dla ekanamičnych stasunkaŭ z krainami, jakija jak praktykujuć.
Eŭrapiejski parlament bolšaściu hałasoŭ padtrymaŭ novuju inicyjatyvu pa zmahańni ź internet‑cenzuraj, prapanavanuju niderlandzkaj Narodnaj partyjaj za volu i demakratyju. Adpaviedna joj u chutkim časie internet‑cenzura ŭ tatalitarnych krainach zmoža aficyjna razhladacca Eŭropaj jak ekanamičny barjer. Hety niezvyčajny šlach moža akazacca nadzvyčaj efektyŭnym.
Inicyjatyva Narodnaj partyi za volu i demakratyju (Volkspartij voor Vrijheid en Democratie, VVD) nakiravanaja, pieradusim na tyja krainy, jakija ŭvodziać pastajannyja abmiežavańni na dostup karystalnikaŭ da infarmacyi praź Sieciva.
Žul Maaten, aktyvist VVD, padkreślivaje, što ciapier bujnyja amerykanskija kampanii, takija jak Google, Yahoo i Microsoft, a taksama eŭrapiejskija Wanadoo, Telecom Italia i France Telecom vymušanyja suprać svajoj voli blakavać asobnyja servisy na terytoryjach krain z pastajannaj internet‑cenzuraj. Havorka idzie, u pryvatnaści, ab Kitajskim vialikim fajervole, z dapamohaj jakoha ŭłady blakujuć dostup da niepažadanych resursaŭ, a taksama cenzurujuć videa i aŭdyjokantent.
U chutkim časie prapanova niderlandzkaj partyi budzie nakiravanaje na razhlad Eŭrapiejskaj Rady. U vypadku ŭchvały inicyjatyvy, pytańnie ab nieabchodnaści skasavańnia internet‑cenzury budzie ŭzdymacca kožny raz pry praviadzieńni handlovych pieramovaŭ z krainami, jakija praktykujuć abmiežavańni na dostup da infarmacyi praź Sieciva.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary