Na Youtube źjaviŭsia rolik, jak paviedamlajecca, ź nieaficyjnaha nudysckaha plaža na Minskim mory. Jaho aŭtar Oleg Dogtor raźmiaściŭ jaho 8 žniŭnia.
Pavodle jaho słoŭ, amapaŭcaŭ na plaž vyklikała žančyna hadoŭ 45 ź dziećmi. Joj nie spadabałasia, što na hetym nieaficyjnym nudysckim plažy susiedniaja žančyna zaharała biez kupalnika. Pa słovach aŭtara videa, spačatku prybyli dva amapaŭcy, jakija zahadali žančynie źbirać rečy.
Za jaje pasprabavała zastupicca dziaŭčyna, jakuju amapaŭcy pačali chapać za ruki i ciahnuć pa piasku. Jaje chłopiec abo muž na mylicach sa złamanaj nahoj pasprabavaŭ vyśvietlić, što adbyvajecca, tady amapaŭcy adšturchnuli i ŭdaryli taksama i jaho. Pa słovach aŭtara videa, milicyjanty navat dastali hazavyja bałončyki. Taksama da ich prybyła dapamoha - jašče piaciora amapaŭcaŭ.
U vyniku, dziaŭčynu i jaje chłopca na mylicach pavieźli ź plaža na «chutkaj». Kala piaci čałaviek ź liku abaroncaŭ milicyjanty zabrali z saboj.
Ciapier čytajuć
Vylecieła ŭ nieviadomym kirunku śpikierka KR Anžalika Mielnikava30
Kamientary