Vyniki načnoha błekaŭta: u Minsku byli abiastočanyja 138 damoŭ, zbojna pracavali telefonnyja sietki
Jak, paviedamlałasia, surjoznaja avaryja adbyłasia minułaj nočču na padstancyi «Zialony Łuh» u Minsku.
Jak paviedamlaje sajt Minskaha haradskoha ŭpraŭleńnia MNS, u 23.40 u vyniku adklučeńnia transfarmatara ŭłasnych patreb (TUP) adbyłosia adklučeńnie asnoŭnaha transfarmatara na padstancyi «Zialony Łuh» pa vulicy Sievastopalskaj, 108. Heta, u svaju čarhu, pryviało da adklučeńnia spažyŭcoŭ elektrazabieśpiačeńnia ŭ Savieckim i Pieršamajskim rajonach (142 transfarmatarnyja padstancyi, ad jakich zasiłkavana piać ciahavych padstancyj, i 138 žyłych damoŭ). U 0.35 ciahavyja padstancyi byli padłučanyja, spynieńnia ruchu hramadskaha transpartu nie adbyłosia.
Na rajonnaj pompavaj stancyi UP «Minskvodakanał» pa vulicy Karbyšava, 9, adbyłosia padzieńnie cisku ŭ sistemie, ale na vodazabieśpiačeńnie žyłych damoŭ chałodnaj vadoj heta nie paŭpłyvała.
Dla adnaŭleńnia elektrazabieśpiačeńnia i likvidacyi nastupstvaŭ avaryi pryciahvalisia čatyry avaryjnyja bryhady. Elektrazabieśpiačeńnie było adnoŭlena ŭ 6.00 9 žniŭnia. Čas adklučeńnia skłaŭ 6 hadzin 20 chvilin, paviedamlaje ŭpraŭleńnie MNS.
Avaryja paŭpłyvała na pracu abstalavańnia sotavaha apieratara «MTS», abanienty jakoha ŭ Minsku i Minskaj vobłaści adčuvajuć ciažkaści z suviaźziu. «Śpiecyjalisty kampanii adnavili poŭny dostup da hałasavych i internet-pasłuhaŭ u 04.00. Na dadzieny momant zaviaršajucca raboty pa likvidacyi prahramnych zbojaŭ. Dostup da niekatorych servisaŭ budzie adnoŭleny ŭ bližejšy čas. Prynosim svaje prabačeńni i spadziajemsia na vaša razumieńnie», - havorycca ŭ paviedamleńni na sajcie «MTS».
Vylecieła ŭ nieviadomym kirunku śpikierka KR Anžalika Mielnikava30
Kamientary