Trahiedyja adbyłasia na minułym tydni ŭ kurortnym horadzie Kasteldefiels (pravincyja Barsiełona, Katałonija). Pavodle infarmacyi miascovych ŚMI, 61-hadovy Rykarda F., uradženiec Uruhvaja, spačatku zabiŭ svaju žonku, zatym dziaciej, a paśla hetaha skončyŭ žyćcio samahubstvam.
Ab tym, što zdaryłasia viečaram 5 žniŭnia ŭ miascovuju palicyju paviedamiła dačka Rykarda F. ad papiaredniaha šlubu, jakaja i vyjaviła cieły zahinułych.
Palicejskija, što prybyli na miesca zdareńnia, vyjavili trupy 61-hadovaha mužčyny, 45-hadovaj žančyny i dvaich dziaciej — 12-hadovaha chłopčyka i 7-hadovaj dziaŭčynki. Cieła mužčyny z ahniastrelnym ranieńniem u hałavu lažała na kanapie, cieła žančyny znachodziłasia ŭ spalni, jana taksama pamierła ad strełu ŭ hałavu. Dvoje dziaciej znachodzilisia ŭ inšym pakoi.
Paviedamlajecca, što Rykarda F., inžynier rodam z Uruhvaja, a jaho žonka Maryna rodam ź Biełarusi. U domie ŭ rajonie Ła Pinieda siamja pražyła kala troch hadoŭ.
Susiedzi siamji raspaviali ŚMI, što muž i žonka časta kryčali i vyśviatlali adnosiny, dachodziła da taho, što susiedzi navat vyklikali palicyju.
Niezrazumieła, čamu ŭ dačynieńni da mužčyny nie była zaviedziena nivodnaj kryminalnaj spravy ab chatnim hvałcie, ździŭlajucca žurnalisty ispanskich vydańniaŭ.
Haradskaja rada Kasteldefielsa abviaściła trochdzionnuju žałobu.
U MZS Biełarusi viedajuć pra situacyju. «Naša pasolstva ŭ Paryžy padtrymlivaje kantakty ź ispanskimi ŭładami, - paviedamiŭ pres-sakratar ministerstva Dźmitryj Mirončyk. - Svajaki ŭ pasolstva nie źviartalisia. Z ulikam charaktaru złačynstva my nie płanujem apublikavać jakuju-niebudź infarmacyju».
Ciapier čytajuć
Staŭ viadomy prysud eks-pamočniku Łukašenki Iharu Bryło1
Kamientary