«Debiły, b***» — rasijski ministr Łaŭroŭ vyłajaŭsia na sustrečy z kaleham z Saudaŭskaj Aravii VIDEA
Ministr zamiežnych spraŭ Rasii byŭ niečym nadzvyčaj zakłapočany u časie pres-kanfierencyi ź ministram zamiežnych spraŭ Saudaŭskaj Aravii Adelem al-Džubiejram u Maskvie ŭčora, 11 žniŭnia. Pakul pierakładčyk pierakładaŭ, ministr cior łob, a ź jazyka ŭ jaho sarvałasia «Debiły, b..». Hladzicie na videa.
Rasijska-saudaŭskija pieramovy ŭ Maskvie byli pryśviečanyja losu Siryi i Bašara Asada. Ryjad nastojvaje na tym, što Asadu niama miesca ŭ budučaj Siryi. Maskva choča, kab Asad staŭ udzielnikam vialikaj kaalicyi suprać «Isłamskaj dziaržavy Iraka i Levanta».
Padzieńnie cenaŭ na naftu mocna ŭdaryła pa resursach Rasii i jaje klijentaŭ. Hetak, siły, viernyja Asadu, adstupili z usich stratehična mienš važnych rajonaŭ Siryi, i ciapier pad ich kantrolem zastajecca mienš za 30% terytoryi krainy.
Jak ličycca, mienavita Saudaŭskaja Aravija ź jaje tannaj zdabyčaj i vializnymi zołatavalutnymi reziervami trymaje klučy ad cenaŭ na naftu.
Ciažka skazać, kamu była adrasavana łajanka ministra: saudaŭskim šejcham ci kaleham pa rasijskaj dypłamatyi.
Vylecieła ŭ nieviadomym kirunku śpikierka KR Anžalika Mielnikava30
Kamientary