Kryminalny aŭtarytet byŭ zatrymany sioleta ŭ mai padčas bojki ŭ piceryi ŭ staličnym mikrarajonie Čyžoŭka.
U Zavodskim rajonnym sudzie Minska siońnia pačaŭsia praces nad viadomym kryminalnym aŭtarytetam Paŭłam Aleksiajevičam (Paštetam). Pa viersii abvinavačańnia, fihurant spravy 8 maja 2015 hoda ŭčyniŭ bojku ŭ piceryi na vulicy Taškienckaj u Minsku.
Aleksiajevič biŭ rukami, nahami i piŭnym šklanym kuchlem Uładzimira Zinavienku. Aproč taho, abvinavačany źniščyŭ try čarki i try piŭnyja šklanyja kuchli. Ahulny košt paškodžanaj majomaści acanili ŭ 99 tysiač rubloŭ i kryminalny aŭtarytet całkam kampiensavaŭ straty.
Sam Paštet pryznaje svaju vinu častkova i nie pahadžajecca, što jaho chulihanskija dziejańni byli biespryčynnymi. Pry hetym na papiarednim śledstvie jon pryznavaŭ vinu całkam.
U toj dzień kryminalny aŭtarytet pryjechaŭ u piceryju razam sa svaim pryjacielem dla sustrečy ź niejkim čałaviekam. Abvinavačany ŭžo byŭ niećviarozy i ŭ kaviarni zamoviŭ jašče harełki i ježy. Ale zamiest čałavieka, jakoha jon čakaŭ na sustreču, pryjechaŭ Zinavienka, da jakoha Aleksiajevič i raniej staviŭsia niepryjazna. Abvinavačany pačaŭ bić jaho i sam atrymaŭ nažavoje ranieńnie.
Paciarpieły ŭ bojcy Zinavienka prysutničaje na pracesie. Jon u kajdankach i jaho achoŭvajuć milicyjanty
Ciapier čytajuć
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju6
Kamientary