Крымінальны аўтарытэт быў затрыманы сёлета ў маі падчас бойкі ў піцэрыі ў сталічным мікрараёне Чыжоўка.
У Заводскім раённым судзе Мінска сёння пачаўся працэс над вядомым крымінальным аўтарытэтам Паўлам Алексяевічам (Паштэтам). Па версіі абвінавачання, фігурант справы 8 мая 2015 года ўчыніў бойку ў піцэрыі на вуліцы Ташкенцкай у Мінску.
Алексяевіч біў рукамі, нагамі і піўным шкляным кухлем Уладзіміра Зінавенку. Апроч таго, абвінавачаны знішчыў тры чаркі і тры піўныя шкляныя кухлі. Агульны кошт пашкоджанай маёмасці ацанілі ў 99 тысяч рублёў і крымінальны аўтарытэт цалкам кампенсаваў страты.
Сам Паштэт прызнае сваю віну часткова і не пагаджаецца, што яго хуліганскія дзеянні былі беспрычыннымі. Пры гэтым на папярэднім следстве ён прызнаваў віну цалкам.
У той дзень крымінальны аўтарытэт прыехаў у піцэрыю разам са сваім прыяцелем для сустрэчы з нейкім чалавекам. Абвінавачаны ўжо быў нецвярозы і ў кавярні замовіў яшчэ гарэлкі і ежы. Але замест чалавека, якога ён чакаў на сустрэчу, прыехаў Зінавенка, да якога Алексяевіч і раней ставіўся непрыязна. Абвінавачаны пачаў біць яго і сам атрымаў нажавое раненне.
Пацярпелы ў бойцы Зінавенка прысутнічае на працэсе. Ён у кайданках і яго ахоўваюць міліцыянты
Цяпер чытаюць
Прапагандысты запэўніваюць, што 196 палітвязняў ужо на свабодзе4
Каментары