Zaŭziatar «Arsienała» pieradaŭ Alaksandru Hlebu vitańnie z mahiły FOTAFAKT
Niezvyčajnuju historyju raspaviadaje brytanskaje vydańnie The Telegraph.
Mierkavańni prychilnikaŭ «Arsienała» pra biełaruskaha paŭabaroncu, jaki vystupaŭ za kłub u 2005—2008 hh., padzialilisia. Niekatoryja ź ich ličać Aleksa adnym z najbolš technična adoranych hulcoŭ, jaki realna ŭpryhožyŭ karotkuju historyju stadyjona «Emirejts».
Praŭda, dla mnohich paŭabaronca ŭvasablaŭ saboj usie tyja rysy, jakija tak rasčaroŭvali ŭ kamandach Arsiena Vienhiera za apošnija hady — dalikatnaść i niepaśladoŭnaść razam z varjackim niežadańniem nanosić udary pa varotach.
Adzin fanat, jaki ćviorda pryličaŭ siabie da druhoha łahiera, nastolki nie lubiŭ Hleba, što na miemaryjalnaj došcy mužčyny paśla było vyhraviravana jaho mierkavańnie pra hulniu biełarusa.
Na pomniku Džefa Koena napisanyja prostyja słovy: «Džef Koen nikoli nie kaciravaŭ Hleba».
Syn Džefa, Hovard Koen, jaki zajmaŭsia ŭstaloŭkaj pomnika kala stadyjona «Emirejts», kaža, što svajoj luboŭju da «Arsienała» jon abaviazany mienavita baćku.
Nie tak daŭno Chovard napisaŭ u tvitary: «Baćka ličyŭ, što Hleb — heta śmiećcie. Tata padtrymlivaŭ «Arsienał» z 50-ch hadoŭ, tamu mnie chaciełasia niejak zafiksavać jaho ściob z hetaj nahody».
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary