Alaksandr Łukašenka adznačyŭ układ kiraŭnika pradstaŭnictva Jeŭrasajuza ŭ Biełarusi Majry Mory ŭ naładžvańnie adnosin pamiž Biełaruśsiu i ES.
Ab hetym kiraŭnik dziaržavy zajaviŭ siońnia na sustrečy ź joj u suviazi z zaviaršeńniem dypłamatyčnaj misii ŭ krainie.
«Vy zrabili niamała dla taho, kab my nie tolki pačali razmaŭlać ź vialikaj Jeŭropaj, ale i ŭ niečym razumieć adzin adnaho, naładžvać našy adnosiny», - skazaŭ kiraŭnik Biełarusi.
Kiraŭnik dziaržavy vykazaŭ upeŭnienaść, što niahledziačy na adjezd Majry Mory ź Biełarusi, jana zastaniecca ščyrym siabram krainy. Jon zaprasiŭ Majru Moru ŭ luby zručny dla jaje čas naviedvać Biełaruś. «Dzie b vy ni žyli, kali vy zachočacie siudy pryjechać, vy možacie ličyć hety kavałačak ziamli, dzie vam zaŭsiody rady», — skazaŭ jon.
Vysoka aceńvajučy ŭkład kiraŭnika pradstaŭnictva ŭ raźvićcio adnosin pamiž Biełaruśsiu i ES, Alaksandr Łukašenka skazaŭ, što jana rabiła heta ščyra. «My viedajem, što vy rabili vielmi mnohaje ščyra, a što nie mahli zrabić, zaŭsiody maŭčali, i my razumieli heta maŭčańnie», - adznačyŭ Alaksandr Łukašenka. Jon jašče raz padziakavaŭ Majry Mory za jaje ščyruju pazicyju i pažadaŭ joj pośpiechaŭ na novym poli dziejnaści. «U Biełarusi ŭ vas zastanucca nadziejnyja siabry», - zapeŭniŭ kiraŭnik dziaržavy.
Łukašenka taksama skazaŭ, što sustrakajecca daloka nie z usimi pasłami, jakija zaviaršajuć svaju dypłamatyčnuju misiju. I fakt hetaj sustrečy havoryć sam za siabie.
«Heta pryznańnie našaj krainy pierad čałaviekam, jaki pryśviaciŭ siabie tamu, kab palepšyć našy adnosiny, a nie razarvać, nie pahoršyć, jak heta časam byvaje», - padkreśliŭ kiraŭnik dziaržavy.
Na jaho dumku, rabota Majry Mory źjaŭlajecca svojeasablivym «uzoram pavodzin pasła ŭ krainie znachodžańnia». «Pasoł pavinien sklejvać, abjadnoŭvać, ale ni ŭ jakim razie nie rvać i nie raźjadnoŭvać», - dadaŭ Alaksandr Łukašenka.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary