Na padrychtoŭku Ščučyna da Dnia biełaruskaha piśmienstva vydatkavana kala 80 młrd rubloŭ
Na padrychtoŭku Ščučyna (Hrodzienskaja vobłaść) da Dnia biełaruskaha piśmienstva vydatkavana prykładna 80 młrd rubloŭ (bolš za 4,6 młn dołaraŭ), paviedamiła na pres-kanfierencyi 31 žniŭnia ŭ Minsku ministr infarmacyi Lilija Ananič.
Hetyja hrošy byli patračanyja, u pryvatnaści, na dobraŭparadkavańnie vulic, adnaŭleńnie Ščučynskaj centralnaj rajonnaj biblijateki imia Ałaizy Paškievič (Ciotki), ramont Ščučynskaha rajonnaha doma kultury i inšaje.
Ministr adznačyła, što ŭ 1990-ch hadach sistema knihahandlu ŭ Biełarusi abvalvałasia z-za taho, što «kniharni pieradavalisia ŭ pryvatnyja ruki». Ciapier ža, pavodle jaje słoŭ, dziaržava ŭ naležnaj miery nadaje ŭvahu raźvićciu ajčynnaha knihahandlu.
Tak, 31 žniŭnia, skazała Ananič, u Ščučynie, dzie pražyvaje prykładna 15 tys. čałaviek, adkryłasia kniharnia «Nieścierka». Čynoŭnica adznačyła, što ŭ hetym mahazinie prapanavanaja litaratura, jakaja raniej «nie była dastupnaja ŭ takim asartymiencie ŭ horadzie z takim nasielnictvam».
Krychu raniej pradpryjemstva «Hrodnaabłsajuzdruk» adkryła ŭ hetym horadzie novy bujny paviljon z knihami i presaj.
U papiaredni dzień fiestyvalu, 5 vieraśnia, paśla kapitalnaha ramontu adkryjecca Ščučynskaja centralnaja rajonnaja biblijateka imia Ałaizy Paškievič (Ciotki). U hety dzień taksama projduć mižnarodny kruhły stoł ab litaraturnym pracesie i infarmacyjnym hramadstvie, navukova-praktyčnaja kanfierencyja «Ščučynskija čytańni — 2015» i budzie realizavany vystavačny prajekt, pryśviečany 70-hodździu Pieramohi nad fašyzmam i tvorčaści Janki Kupały ŭ vajennyja hady. U horadzie budzie pracavać paviljon «Knihi i presa Biełarusi», dzie projdzie šmat vystaŭ i prezientacyj. Akramia taho, adbuducca spartyŭnyja i tvorčyja spabornictvy, budzie dadzieny teatralnaje pakaz, arhanizavany litaraturny viečar.
Asnoŭny dzień fiestyvalu, 6 vieraśnia, pačniecca pasadkaj Sadu malitvy kala carkvy Śviatoha Archanhieła Michaiła, chrosnym chodam da carkvy Bahajaŭleńnia i Boskaj liturhijaj u hetym chramie. Paśla hetaha ŭračysta adkryjecca adnoŭleny pałac kniazioŭ Druckich-Lubieckich, u jakim paźniej raźmieścicca haradskaja škoła mastactvaŭ. Zatym ad pałaca da hałoŭnaj sceničnaj placoŭki na nabiarežnaj kala Ščučynskaha rajonnaha doma kultury projdzie ŭračystaje šeście.
Śviata biełaruskaha piśmienstva aficyjna adkryjecca apoŭdni. Cyrymonija budzie supravadžacca mastacka-teatralizavanym dziejańniem «Kvitniej, Biełaruś naša rodnaja!», vystupleńniem mastackich kalektyvaŭ Hrodzienščyny, a taksama ŭručeńniem Nacyjanalnaj litaraturnaj premii.
U horadzie buduć pracavać vystavy, u tym liku pryśviečanyja 70-hodździu Pieramohi, 500-hodździu biełaruskaha knihadrukavańnia, sučasnaj biełaruskaj knizie i inšamu. Aŭtary — členy Sajuza piśmieńnikaŭ Biełarusi prezientujuć svaje novyja knihi i sustrenucca z čytačami na litaraturnym śviacie «Baćkaŭščyna śvietłaja maja». Buduć pracavać vystavy-kirmašy suvienirnaj pradukcyi, projduć majstar-kłasy pa vycinancy, siaredniaviečnych tancach, spartyŭnyja i tvorčyja spabornictvy.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary