Papłavać daduć na «Aŭrory», «Midvei» i «Jamata».

Videahulnia World of Warships, marskoje raźvićcio temy biełaruskich «tančykaŭ» World of Tanks ad Wargaming i picierskaj Lesta Studio, vyjdzie sa stadyi beta-testu 17 vieraśnia, paviedamlajecca na sajcie hulni.
Z relizam pačnucca ranhavyja bai — hulcy buduć padzielenyja na 25 uzroŭniaŭ, u bajach sustrenuć roŭnych sabie praciŭnikaŭ. Takija bai buduć raźbityja pa siezonach, pieršy praciahniecca 6 tydniaŭ. Pieramožcy siezonu atrymajuć uznaharodu.
Pra ranhavyja bai Wargaming raspaviadaŭ tut.
Akramia taho, možna budzie «prakačvać» jak karabli i kamandziraŭ ekipažaŭ, tak i ŭłasny akaŭnt, a taksama vykarystoŭvać i papaŭniać razychodnyja materyjały: amunicyju, sihnalnyja ściažki i kamuflaž.
U finalnaj viersii World of Warships budzie dastupna 95 karabloŭ časoŭ Druhoj suśvietnaj vajny fłatoŭ ZŠA, Japonii, Hiermanii, Vialikabrytanii i SSSR, padzielenych na 4 kłasy. Ahulnaja płošča 11 mapaŭ, dastupnych dla bajoŭ, składzie biez małaha 17 tysiač km².
Hulnia biaspłatnaja, ale dziejničaje anłajn-mahazin bonusaŭ, što kuplajucca za realnyja hrošy, ale nie musiać upłyvać na bałans u bai. Hrošy, układzienyja ŭ inšyja prajekty Wargaming, mohuć vykarystoŭvacca i ŭ «karablach».
-
Antarktyda maje «hravitacyjnuju dzirku». Što heta takoje i ci niasie pahrozu płaniecie?
-
«Jandeks Braŭzier» analizuje navat asabistyja paviedamleńni. Voś jakija źviestki źbirajuć braŭziery i čamu heta važna
-
Na karybskim vostravie vypraboŭvajuć inavacyjnuju sistemu chvalevaj enierhietyki i apraśnieńnia vady
Ciapier čytajuć
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja
Kamientary