Były śpikier «Narodnaj rady» samaabvieščanaj «Danieckaj narodnaj respubliki» Andrej Purhin znachodzicca pad aryštam. Pra heta ŭ paniadziełak ria.ru raskazała deputat «Narodnaj rady» Ełada Šaftnier sa spasyłkaj na infarmavanyja krynicy.
«Andrej Jaŭhienavič Purhin i jaho žonka Alena Alaksiejeŭna znachodziacca ciapier u MDB (h.zv. «ministerstva dziaržaŭnaj biaśpieki» DNR)», — skazała Šaftnier.
Deputat, jakaja źjaŭlajecca paplečnikam Purhina, śćviardžaje, što hetaja infarmacyja źjaviłasia ŭ jaje «z nadziejnych, pravieranych krynic». Na pytańnie, ci znachodzicca Purhin u kamiery, jana adkazała stanoŭča.
«Heta možna lohka pravieryć, kali pryjści da jaho dadomu i prosta paprasić, kab jon vyjšaŭ. Jon nie vyjdzie, bo jaho doma niama. Telefony Aleny Alaksiejeŭny i Andreja Jaŭhienaviča adklučanyja. Nijakich abvinavačvańniaŭ ni ŭčora, ni siońnia nie było vyłučana. Bolš za toje, u piatnicu, kali jaho aryštoŭvali, navat hienieralnaja prakuratura nie viedała pra toje, što robiacca takija rečy», — patłumačyła deputat.
Purhina adpravili ŭ adstaŭku z pasady śpikiera «Narodnaj rady» danieckich sieparatystaŭ 4 vieraśnia, pry hetym jon zachavaŭ deputacki mandat. Takoje rašeńnie pryniali pieravažnaja bolšaść deputataŭ, jakija sabralisia na pazačarhovuju siesiju. Časovym śpikieram staŭ namieśnik Purhina Dzianis Pušylin.
Adstaŭku Purhina deputaty źviazvajuć ź dziejnaściu Alaksieja Alaksandrava, jakoha jon pryznačyŭ načalnikam aparata parłamienta. Dziejnaść Alaksandrava rascanili jak destruktyŭnuju, ciapier jaje rasśledujuć pravaachoŭnyja orhany «DNR».
Paźniej Dzianis Pušylin abvierhnuŭ paviedamleńni pra aryšt Purhina.
«Jon znachodzicca ŭ Daniecku, ź im usio ŭ paradku, jon nie aryštavany. Ja sam rychtujusia da zaŭtrašniaj sustrečy ŭ Minsku, nijakaj inšaj infarmacyi ŭ mianie niama», — skazaŭ Pušylin u hutarcy z «Kommiersantom».
-
Pieramovy Rasii i ZŠA ŭ Er-Ryjadzie zaviaršylisia, pra vyniki paviedamiać zaŭtra
-
Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej
-
Daradca Trampa pa nacbiaśpiecy vypadkova dadaŭ žurnalista ŭ sakretny čat u Signal. Raskrytyja miechanizmy pryniaćcia rašeńniaŭ
Kamientary