Zabity ŭ lutym rasijski apazicyjanier Barys Niamcoŭ, pałonnaja ŭkrainskaja lotčyca Nadzieja Saŭčanka, jakuju sudziać u Rasii, i prysudžany da 10 hadoŭ turmy i 1000 udaraŭ pałkami błohier-aktyvist Raif Badaŭi z Saudaŭskaj Aravii naminavanyja na premiju imia Sacharava, jakaja štohod prysudžajecca Jeŭrapiejskim parłamientam.

Łaŭreatami premii stanoviacca vybitnyja ludzi, jakija viaduć baraćbu suprać nieciarpimaści, fanatyzmu i pryhniotu.
Ź Biełarusi premiju atrymlivali Alaksandr Milinkievič i Biełaruskaja asacyjacyja žurnalistaŭ.
Imiony naminantaŭ premii Sacharava 2015 nazvanyja ŭ pres-relizie, apublikavanym na sajcie Jeŭraparłamienta ŭ čaćvier.
Na premiju znoŭ vyłučany były volnanajomny supracoŭnik amierykanskich śpiecsłužbaŭ Edvard Snoŭden, jaki vykryŭ praktyku hłabalnaha elektronnaha sačeńnia, jakaja pravodzicca Ahienctvam nacyjanalnaj biaśpieki ZŠA.
U liku naminantaŭ — palitviaźni ŭ Vieniesuele; Edna Adan Ismaił z Samali, aktyvistka baraćby suprać žanočaha abrazańnia; Antuan Deltur, były aŭdytar z Price Waterhouse Coopers, što vykryŭ padatkovyja machinacyi transnacyjanalnych kampanij; Stefani Hibo, jakija adkryli fakty sychodu ad padatkaŭ i admyvańnia hrošaj u UBS AG.
Premija imia vučonaha, dysydenta i pravaabaroncy Andreja Sacharava ŭručajecca z 1988 hoda.
Kamientary