Rasśledavańnie spravy ab karupcyi ŭ dziejnaści Ašmianskaj mytni praciahvajecca. Pra heta na pres-kanfierencyi ŭ Minsku 15 vieraśnia zajaviŭ staršynia Dziaržaŭnaha mytnaha kamiteta (DMK) Juryj Siańko.
U sakaviku Kamitet dziaržbiaśpieki razam ź inšymi pravaachoŭnymi orhanami vyjaviŭ karupcyju ŭ Ašmianskaj mytni. U złačynnuju dziejnaść byŭ uciahnuty ledź nie ŭvieś asabisty skład mytnaha pasta «Kamienny Łoh». Paviedamlałasia pra zatrymańnie 19 čałaviek. U mytnikaŭ kanfiskavali bolš za 2,2 młn dalaraŭ.
«Šerah kryminalnych spraŭ užo nakiravany ŭ sud. Ale Kamitet dziaržbiaśpieki i Śledčy kamitet praciahvajuć rasśledavańnie hetaj hučnaj karupcyjnaj spravy. Usiaho zatrymanyja kala 40 supracoŭnikaŭ», — paviedamiŭ siońnia Juryj Siańko.
Jon skazaŭ, što heta «surjoznaja plama na mundziry mytnaj słužby» i jamu «składana kazać na hetuju temu». «U cełym, heta składanaja prablema dla mytnaj słužby. Ale my ŭsio dumajem nad tym, jak zrabić pravilnyja vysnovy i nie dapuścić takoha ŭ budučyni», — skazaŭ kiraŭnik DMK.
Kamientary