Ministr abarony ZŠA Eš Karter ŭpieršyniu za apošni hod pahavaryŭ sa svaim rasijskim kaleham Siarhiejem Šajhu, paviedamlaje ahienctva Rejter sa spasyłkaj na pres-słužbu Pientahona.
U paviedamleńni ŭdakładniajecca, što ministry abmierkavali situacyju ŭ Siryi i damovilisia praciahnuć dyjałoh pra sposaby vyrašeńnia zbrojnaha kanfliktu ŭ krainie i baraćbie z radykalnaj hrupoŭkaj «Isłamskaja dziaržava».
Hutarka praciahvałasia kala 50 chvilin i stała pieršym niepasrednym kantaktam kiraŭnikoŭ dźviuch abaronnych viedamstvaŭ sa žniŭnia 2014 hoda. Tady Šajhu havaryŭ z papiarednikam Kartera — Čakam Chejhiełam.
Adnosiny pamiž Rasijaj i ZŠA ŭ cełym i ich ministerstvami abarony ŭ pryvatnaści ŭ apošnija hady rezka astudzilisia na fonie anieksii Kryma i ŭzbrojenaha kanfliktu na ŭschodzie Ukrainy, adkaznym za jaki ŭ značnaj stupieni Vašynhton ličyć Maskvu.
Pry hetym u apošni čas u zachodniaj presie i błahaśfiery chodziać ŭsio bolš aktyŭnyja čutki ab pierakidcy rasiejskich vajskoŭcaŭ u Siryju. Rasija aficyjna paćviardžaje fakt pastaŭki ŭ krainu zbroi, ale admaŭlaje ŭdzieł u hramadzianskaj vajnie, jakaja tam adbyvajecca.
Heta vyklikaje zaniepakojenaść u ZŠA. U Vašynhtonie aścierahajucca, što rasiejskija vojski vystupiać na baku siryjskaha prezidenta Bašara Asada, za adchileńnie jakoha ad ułady vystupaje Vašynhton.
U piatnicu dziaržaŭny sakratar ZŠA Džon Kery i pres-słužba Biełaha doma zajavili, što hatovyja da pieramovaŭ z Rasijaj ab apieracyjach u Siryi i baraćbie z «Isłamskaj dziaržavaj», zabaronienych u šerahu krain, uklučajučy Vialikabrytaniju.
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi35
Kamientary