Siońnia piataja hadavina zabojstva Alaksandra Tarajkoŭskaha siłavikami
10 žniŭni 2020 hoda ŭ Minsku padčas masavych pratestaŭ suprać vynikaŭ prezidenckich vybaraŭ zahinuŭ 34-hadovy Alaksandr Tarajkoŭski. Jon byŭ zabity siłavikami kala stancyi mietro «Puškinskaja».
Pavodle aficyjnaj viersii Ministerstva ŭnutranych spraŭ, mužčyna zahinuŭ ad vybuchu vybuchovaha pradmieta ŭ rukach. Adnak na videazapisach, raspaŭsiudžanych niezaležnymi ŚMI, bačna, što Tarajkoŭski išoŭ da siłavikoŭ z padniatymi rukami i nie mieŭ u rukach vybuchoŭki. U Tarajkoŭskaha ź blizkaj adlehłaści stralaje adzin ź siłavikoŭ. Paśla strełu akryvaŭleny mužčyna padaje.
Mienavita hibiel Tarajkoŭskaha stała adnym z hałoŭnych simvałaŭ pratestnaha ruchu 2020 hoda. Tarajkoŭski stajaŭ u biełaj majcy z raskinutymi ŭ baki rukami nasuprać šerahu śpiecnazaŭcaŭ, za niekalki dziasiatkaŭ mietraŭ ad ich, kali jamu strelili prosta ŭ hrudzi.
Pieršyja tydni łukašenkaŭcy kožnuju noč vyvozili kvietki ź miescy hibieli Alaksandra. Paźniej jany zasypali piaskom z sollu nadpis «Nie zabudziem!» na asfalcie. Narešcie, sprava dajšła da kryminałak.
U Tarajkoŭskaha zastałasia dačka.
Kamientary