Міністр абароны ЗША Эш Картэр ўпершыню за апошні год пагаварыў са сваім расійскім калегам Сяргеем Шайгу, паведамляе агенцтва Рэйтэр са спасылкай на прэс-службу Пентагона.
У паведамленні ўдакладняецца, што міністры абмеркавалі сітуацыю ў Сірыі і дамовіліся працягнуць дыялог пра спосабы вырашэння збройнага канфлікту ў краіне і барацьбе з радыкальнай групоўкай «Ісламская дзяржава».
Гутарка працягвалася каля 50 хвілін і стала першым непасрэдным кантактам кіраўнікоў дзвюх абаронных ведамстваў са жніўня 2014 года. Тады Шайгу гаварыў з папярэднікам Картэра — Чакам Хэйгелам.
Адносіны паміж Расіяй і ЗША ў цэлым і іх міністэрствамі абароны ў прыватнасці ў апошнія гады рэзка астудзіліся на фоне анексіі Крыма і ўзброенага канфлікту на ўсходзе Украіны, адказным за які ў значнай ступені Вашынгтон лічыць Маскву.
Пры гэтым у апошні час у заходняй прэсе і благасферы ходзяць ўсё больш актыўныя чуткі аб перакідцы расейскіх вайскоўцаў у Сірыю. Расія афіцыйна пацвярджае факт пастаўкі ў краіну зброі, але адмаўляе ўдзел у грамадзянскай вайне, якая там адбываецца.
Гэта выклікае занепакоенасць у ЗША. У Вашынгтоне асцерагаюцца, што расейскія войскі выступяць на баку сірыйскага прэзідэнта Башара Асада, за адхіленне якога ад улады выступае Вашынгтон.
У пятніцу дзяржаўны сакратар ЗША Джон Кэры і прэс-служба Белага дома заявілі, што гатовыя да перамоваў з Расіяй аб аперацыях у Сірыі і барацьбе з «Ісламскай дзяржавай», забароненых у шэрагу краін, уключаючы Вялікабрытанію.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА116
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары