Biełaruski kantrabandyst hadzinu chavaŭsia ŭ sažałcy ad litoŭskich pamiežnikaŭ FOTA
Kala litoŭska-biełaruskaj miažy, u Salečnickim rajonie pamiežniki papieradžalnymi strełami spyniali biełarusa z kantrabandnymi cyharetami, jaki sprabavaŭ schavacca.
Jon byŭ znojdzieny ŭ sažałcy, dzie prasiadzieŭ amal hadzinu, i mocna zamierz, piša 015.by.
Słužba achovy dziaržaŭnaj miažy paviedamlaje, što ŭ noč ź piatnicy na subotu pamiežniki Dziavianiškskaj zastavy zaŭvažyli dvuch čałaviek, jakija niešta nieśli. Ad hetaha miesca da litoŭska-biełaruskaj miažy - kala kiłamietra. Pry sprobie zatrymać asob jany kinuli svoj bahaž i kinulisia biehčy, piša Delfi.lt
U pakinutych čatyroch skrutkach vyjaŭlena 3000 pačkaŭ cyharet Fest, Fest 7 i Minsk Capital.
Pieraśledujučy parušalnikaŭ, pamiežnik zrabiŭ šeść papieradžalnych strełaŭ u pavietra z słužbovaha pistaleta, ale heta nie spyniła uciekačoŭ. Adnamu ź ich udałosia pierabiehčy miažu i trapić na terytoryju Biełarusi. Pra heta litoŭcy adrazu paviedamili biełaruskim kaleham. Inšy parušalnik nienadoŭha źnik z pola zroku pamiežnikaŭ. Da pošukaŭ dałučylisia navat kinołahi z sabakami.
Pamiežniki znajšli ŭciekača ŭ sažałcy kala vioski Urelaj. Akazałasia, što jon kala hadziny prasiadzieŭ u chałodnaj vadzie. Mocna źmierzłamu mužčynu pamiežniki vyklikali chutkuju dapamohu. Dastaŭleny ŭ Salečnickuju balnicu kantrabandyst pradstaviŭsia 44-hadovym hramadzianinam Biełarusi. Paśla ahladu miedykaŭ jon byŭ źmieščany ŭ izalatar časovaha ŭtrymańnia. U paniadziełak Učastkovy sud Vilenskaha rajona dazvoliŭ zatrymać jaho na miesiac.
Ciapier čytajuć
Prateže łukašenkaŭskaha favaryta Baskava buduje akademiju ŭ Brazilii i Ńju-Vasiuki suśvietnaha maštabu3
Kamientary