Błohiery: Rasija bambiła žyłyja kvartały ŭ Siryi niekiravanymi bombami
Rasijskija błohiery, jakija viaduć pošuk u internecie śviedčańniaŭ rasijskaj vajennaj prysutnaści va Ukrainie i ŭ Siryi, apublikavali dokazy taho, što rasijskaja avijacyja naniesła ŭdary niekiravanymi bombami pa žyłych kvartałach horada Tel-Bisa (Tałbisa) — paŭnočnaha pryharada Chomsa, kantralavanaha adnoj z hrupovak «Siryjskaj svabodnaj armii».
Hetyja bambardziroŭki, jakija adbylisia 30 vieraśnia, stali adnymi ź pieršych paśla taho, jak ranicaj taho ž dnia Saviet Fiederacyi RF dazvoliŭ Uładzimiru Pucinu vykarystańnie rasijskich vojskaŭ za miažoj. Takuju vysnovu, što centr Tel-Bisy bambili mienavita VPS Rasii, a nie siryjskaja armija, aŭtary rasśledavańnia robiać na padstavie paviedamleńnia siryjskaha dziaržaŭnaha infarmacyjnaha ahienctva SANA. Pra hety horad jak cel adnaho z udaraŭ havaryłasia i ŭ siužecie rasijskaha telekanała «Rasija».
Jak śćviardžajecca ŭ rasśledavańni hrupy vałancioraŭ War In Ukraine (WIU), pra udary pa hustanasielenym centry horada možna sudzić, paraŭnaŭšy videa bambardzirovak, apublikavanych na kanale hrupoŭki «Džejš-al-Taŭchid» (Jaish al-Tawhid), z ahulnadastupnymi spadarožnikavymi i inšymi zdymkami miascovaści. «Džejš-al-Taŭchid» — pradstaŭniki tak zvanaj «umieranaj siryjskaj apazicyi». U rasśledavańni pryvodziacca dokazy taho, što mienavita jana kantralavała Tel-Bisu na momant naniasieńnia avijaŭdaraŭ.
Paraŭnańnie miascovaści na videazapisy i spadarožnikavych zdymkaŭ Google dazvoliła vyličyć, kudy byli skinutyja bomby:
Pa kadrach videazapisaŭ aŭtary rasśledavańnia zmahli paćvierdzić, što Tel-Bisa na momant udaru znachodziłasia mienavita pad kantrolem hrupoŭki «Džejš-al-Taŭchid» — pra heta śviedčyć, u pryvatnaści, emblema hrupoŭki, raźmieščanaja na adnym z aŭtamabilaŭ na videa:
Padčas rasśledavańnia błohieram taksama ŭdałosia vyśvietlić, jaki typ bombaŭ ŭžyvajuć u Siryi rasijskija vajskoŭcy — heta askiepkava-fuhasnyja avijabomby OFAB-250.
Bomby «OFAB-250», jak vynikaje ź ich charaktarystyk, apublikavanych u internecie, źjaŭlajucca niekiravanymi i nie ličacca vysokadakładnaj zbrojaj, pra prymianieńnie jakoj u Siryi kažuć pradstaŭniki Ministerstva abarony Rasii. Pavodle zajaŭ pradstaŭnikoŭ siryjskaj apazicyi, u vyniku bambavańniaŭ Tel-Bisy zahinuli bolš za 30 mirnych žycharoŭ, uklučajučy žančyn i dziaciej. Pradstaŭniki rasijskaha kamandavańnia adprečvajuć hetyja abvinavačvańni i śćviardžajuć, što «vybirajuć mety dla naniasieńnia udaraŭ tolki ŭ adpaviednaści z atrymanymi raźvieddadzienymi i tolki za miežami nasielenych punktaŭ».
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary