Biełaruskija miechaniki, jakija zatykali vychłapnuju trubu, parvali internet VIDEA
Hety paciešny videarolik pad nazvaj «Biełaruskija miechaniki» apublikavaŭ u svaim Facebook palak Jan Moksik. Na roliku vidać Alfa Romeo 156 ź minskimi numarami, jakaja staić na damkracie. Adzin miechanik sadzicca na asfalt pad vychłapnuju trubu i zatykaje jaje anučaj, a druhi — hazuje. U vyniku vychłapnyja hazy praryvajucca, i čornaje vobłaka sažy abdaje miechanika z noh da hałavy.
Rolik byŭ apublikavany ŭ sieradu pozna ŭviečary, i ŭžo mienš jak praz dvoje sutak jaho pierapościli 220 tysiač čałaviek, a kolkaść prahladaŭ zaškaliła za 10 miljonaŭ!
— Toje, što jany robiać, maje niejki sens — tak praviarajuć hłušyciel na hiermietyčnaść paśla zvaračnych rabot, — raspavioŭ kp.by aŭtamiechanik Alaksandr Archipaŭ. — Ale heta, viadoma, prykoł — chłopcy viedali, na što išli! Moža, adzin ź ich prajhraŭ u karty…
— A čamu takaja čornaja saža, mašyna niaspraŭnaja?
— Kali zakryvajuć hłušyciel, nie vychodziać hazy. Praz heta cisk u kamiery zharańnia ŭzrastaje, i adbyvajecca niapoŭnaje zharańnie paliva. Adsiul i biarecca saža.
Kamientary