Sacyjalnuju pasłuhu «Surazmoŭca na hadzinu» prapanujuć u Sieńnienskim rajonie
Novuju sacyjalnuju pasłuhu «Surazmoŭca na hadzinu» prapanujuć u Sieńnienskim rajonie Viciebskaj vobłaści, paviedamiła karespandentu BiełTA dyrektar miascovaha terytaryjalnaha centra sacyjalnaha absłuhoŭvańnia nasielnictva (TCSAN) Tamara Śmirnova.
«Adna z hałoŭnych prablem, ź jakoj sutykajucca pažyłyja ludzi, asabliva ŭ addalenych sielskich nasielenych punktach, — heta samota. Naš terytaryjalny centr zabiaśpiečvaje hetych ludziej nie tolki sacyjalnym absłuhoŭvańniem, ale i hurtkaj, vyjazdžajučy da ich na dom, naprykład, dla zaniatkaŭ rukadziellem. Ale, jak adznačajuć našy śpiecyjalisty, sacyjalny rabotnik prychodzić usiaho na dźvie hadziny — hetaha vielmi mała dla znosin, jakija tak nieabchodny, kali čałaviek adzinoki. Tamu my i vyrašyli pasprabavać ŭvieści takuju pasłuhu — biaspłatny surazmoŭca», — raspaviała Tamara Śmirnova.
Pry adździaleńni dzionnaha znachodžańnia dla hramadzian pažyłoha ŭzrostu ŭ centry stvaryli vałanciorskija hrupy ź liku samich naviedvalnikaŭ adździaleńnia, kiraŭnikoŭ kłubaŭ, jakija hatovyja akazvać padtrymku adnahodkam. Mienavita jany na pieršapačatkovym etapie i buduć akazvać pasłuhu «Surazmoŭca na hadzinu». U pryvatnaści, u Mižnarodny dzień pažyłych ludziej vałanciory naviedali dvuch sastarełych žycharak haradskoha pasiołka Bahušeŭsk. «Adna ź ich — 82-hadovaja byłaja nastaŭnica, jakaja była vielmi rada niečakanamu vizitu, vinšavańniam, u tym liku z prafiesijnym śviatam. Asabliva jaje paradavała toje, što vałancioram, jaki jaje naviedaŭ, akazałasia jaje ž byłaja vučanica.
Druhaja žančyna, jakuju naviedali, — były miedrabotnik va ŭzroście 95 hadoŭ. Abiedźvie žančyny karystajucca pasłuhami sacyjalnaha rabotnika, pakolki dzieci žyvuć daloka, a sami žycharki z chaty amal nie vychodziać. Jany pryznalisia, što hutarka, jakuju im niečakana padaryli, navat dadała zdaroŭja. Tak što start dadzieny, i my praciahniem hetuju pracu. Dla hetaha tym, chto maje patrebu ŭ surazmoŭcu, treba prosta źviarnucca ŭ naša adździaleńnie dzionnaha znachodžańnia dla pažyłych hramadzian», — dadała Tamara Śmirnova.
Kamientary