Kanada stvaraje śpiecyjalny finansavy atrad, jaki budzie adsočvać šlachi abychodu Rasijaj sankcyj.
Pra heta ŭ adkaz na zapyt Kanhresa ukraincaŭ Kanady paviedamiła kiraŭnik vybarčaha štaba Kansiervatyŭnaj partyi Kanady Dženi Birn, pieradaje «Ukrinfarm».
«Pieraabrany Kansiervatyŭny ŭrad stvoryć śpiecyjalny finansavy atrad, jaki składajecca z ekśpiertaŭ-mižnarodnikaŭ i finansavych analitykaŭ. Heta dazvolić lepš adsočvać ruch rasijskaha kapitału na suśvietnych rynkach», — zajaviła jana.
Pa słovach Birn, hety atrad zasiarodzicca na rasijskich dziaržaŭnych pradpryjemstvach i jurydyčnych i fizičnych asobach, jakija znachodziacca pad sankcyjami.
«Jaho zadačaj stanie adsočvańnie rasijskaha kapitału dla zabieśpiačeńnia paŭnavartasnaha prymianieńnia sankcyj. Taksama ekśpierty buduć prapanoŭvać novyja abjekty dla ich pašyreńnia», — patłumačyła jana.
Birn dadała, što kanadskija sankcyi ŭžo pakazali svaju dziejsnaść, ale ich efiektyŭnaść možna jašče pavysić.
«Choć da hetaha času našy sankcyi byli vielmi paśpiachovymi, zdolnaść Kanady adsočvać rasijskija finansavyja patoki i ŭ poŭnuju siłu prymianiać sankcyi možna palepšyć», — adznačyła jana.
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA6
Kamientary