Pra heta były palitviazień Aleś Michalevič paviedamiŭ u svaim fejsbuku.
«Abskardziŭ u prakuraturu admovu śledčaha začyniać maju kryminalnuju spravu. Prakuratura pierasłała skarhu ŭ Śledčy kamitet, jaki pavinien byŭ pravieryć dziejańni samoha siabie. Pravieryŭ, parušeńniaŭ nie znajšoŭ. Karaciej, moj status nie źmianiŭsia: abvinavačvajemy, masavyja biesparadki, ad 5 da 15», — napisaŭ jon.
Aleś Michalevič padaŭ svajo prašeńnie ab spynieńni spravy paralelna ź viartańniem u Biełaruś, jakoje adbyłosia 8 vieraśnia.
Jon zastajecca apošnim čałaviekam ź niezakrytaj kryminalnaj spravaj pa padazreńni ŭ datyčnaści da nibyta «masavych biesparadkaŭ» u dzień prezidenckich vybaraŭ 2010 hoda.
U lutym 2011 hoda Michaleviča vypuścili z turmy pad padpisku pra niavyjezd. Paźniej jon zajaviŭ, što ŭ viaźnicy KDB jaho katavańniami zmusili pahadzicca na sakretnaje supracoŭnictva sa śpiecsłužbaj. Praź niekatory čas paśla svaich vykryćciaŭ jon tajemnym čynam pakinuŭ Biełaruś.
Kamientary