Rasijskaha dypłamata na Kipry znajšli miortvym paśla źniknieńnia Baŭmhiertniera
U rasijskim pasolstvie na Kipry pry zahadkavych abstavinach pamior vysokapastaŭleny supracoŭnik dypmisii. Trahiedyja zdaryłasia na nastupny dzień paśla taho, jak stała viadoma pra źniknieńnie byłoha kiraŭnika «Urałkalija» Uładzisłava Baŭmhiertniera, paviedamlaje vydańnie Cyprus Mail.
Cieła dypłamata Panova znajšli ŭ jaho rabočym kabiniecie. Paviedamlajecca, što mužčyna pakinuŭ pieradśmiarotnuju zapisku, adnak jaje źmiest trymajecca ŭ sakrecie.
Pasolstva Rasii admoviłasia dapuścić miascovuju palicyju da paŭnavartasnaha ahladu miesca zdareńnia i praviadzieńnia śledčych dziejańniaŭ na terytoryi dypmisii, spasyłajučysia na dypłamatyčny imunitet.
Napiaredadni stała viadoma pra źniknieńnie Baŭmhiertniera — 56‑hadovy rasijski biźniesmien Uładzisłaŭ Baŭmhiertnier pierastaŭ vychodzić na suviaź 7 studzienia. Apošni raz sihnał jaho mabilnaha telefona zafiksavali ŭ rajonie pasiołka Pisury. Ciapier tam pracuje maštabnaja pošukavaja apieracyja z pryciahnieńniem viertalota, dronaŭ i vałancioraŭ.
Uładzisłaŭ Baŭmhiertnier atrymaŭ suśvietnuju viadomaść u 2013 hodzie padčas kalijnaj vajny pamiž Rasijaj i Biełaruśsiu. Jon byŭ zatrymany ŭ Minsku paśla sustrečy z premjer-ministram Biełarusi. Paśla vyzvaleńnia i prodažu aktyvaŭ «Urałkalija» biznesmien pierajechaŭ na Kipr.
Kamientary
Jeab vy viedali, kolki tut roznych firm pa admyvańniu hrošaj znachodzicca